உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

ஈரானில் பாடசாலை மீது நடத்தப்பட்ட தாக்குதலுக்குப் பின்னால் அமெரிக்கா : போர்க் குற்றம் என ஐ.நா. சாடல்!

உலக செய்திகள் 2 மாதங்கள் முன்
116 பார்வைகள்

ஈரானில் கடந்த பெப்ரவரி மாதம் பாடசலை ஒன்றின் மீது நடத்தப்பட்ட தாக்குதல் உட்பட இரண்டு தாக்குதல்களுக்குப் பின்னால் அமெரிக்கா இருந்ததாக நம்புவதற்குப் “போதுமான ஆதாரங்கள்” உள்ளன.

அத்துடன் அவை போர்க் குற்றங்கள் என ஐக்கிய நாடுகள் சபையின் உண்மையை கண்டறியும் குழு தெரிவித்துள்ளது.

ஈரானின் மினாப் நகரில் உள்ள ‘ஷாஜரே தயெபே’ (Shajareh Tayyebeh) ஆரம்பப் பாடசாலையின் மீது,கடந்த பெப்ரவரி மாதம் நடத்தப்பட்ட வான்வழித் தாக்குதலில் 120 பள்ளி மாணவர்கள் உட்பட 150க்கும் அதிகமானோர் உயிரிழந்தனர்.

இது ஒரு தெளிவான பொதுமக்கள் கட்டடம் என்றும், இராணுவ நோக்கத்திற்காகப் பயன்படுத்தப்படவில்லை என்றும் ஐக்கிய நாடுகள் நிபுணர்கள் தமது கண்டறிதலில் உறுதிப்படுத்தியுள்ளனர்.

பழமையான அல்லது புதுப்பிக்கப்படாத இலக்குத் தரவுகளை (Outdated targeting data) அமெரிக்கப் படைகள் பயன்படுத்தியதே இந்தப் பேரழிவிற்கு முக்கியக் காரணம் என ஆய்வில் குறிப்பிடப்பட்டுள்ளது.

அதேபோன்று லாமெர்ட் நகரில் உள்ள ஒரு விளையாட்டு அரங்கம் மீதும் தாக்குதல் நடத்தப்பட்டது.

இந்தத் தாக்குதலில் அருகில் இருந்த குடியிருப்புப் பகுதிகள் மற்றும் பாடசாலைகள் சேதமடைந்ததுடன், 22 குடிமக்கள் உயிரிழந்தனர் அல்லது காயமடைந்தனர்.

இந்தநிலையில், இந்த இரண்டு தாக்குதல்களும் கண்மூடித்தனமானவை என்றும், சர்வதேச மனிதநேய சட்டங்களின்படி இவை போர்க் குற்றங்கள் (War Crimes) என்றும் ஐக்கிய நாடுகளின் சுதந்திரமான சர்வதேச உண்மை கண்டறியும் குழு தெரிவித்துள்ளது.

இதேவேளை, போராட்டங்களின் போது ஈரானியக் காவல்துறை மற்றும் அதிகாரிகளால் மேற்கொள்ளப்பட்ட கடுமையான அடக்குமுறைகள், தன்னிச்சையான கைதுகள் மற்றும் மனித உரிமை மீறல்களையும் ஐக்கிய நாடுகள் குழு தனது அறிக்கையில் சுட்டிக்காட்டியுள்ளது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

139 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0