கிளிநொச்சி மாவட்ட பொது வைத்தியசாலை வைத்தியர்கள் இன்று நண்பகல் கவனயீர்ப்பு போராட்டத்தில் ஈடுபட்டனர்.
அரச மருத்துவ அதிகாரிகள் சங்கம் நேற்று முதல் நீண்டகாலமாகத் தீர்க்கப்படாமல் உள்ள மருத்துவர்களின் சம்பள உயர்வு மற்றும் பொருளாதார நெருக்கடியின் போது குறைக்கப்பட்ட மேலதிக பணி மற்றும் விடுமுறைக்காலக் கொடுப்பனவுகளை மீண்டும் வழங்க வேண்டும்.
பணியாளர் பற்றாக்குறை
மருத்துவமனைகளில் நிலவும் மருத்துவர்கள் மற்றும் சுகாதாரப் பணியாளர்கள் பற்றாக்குறையை உடனடியாக நிவர்த்தி செய்ய ஆள்தேர்வு செய்ய வேண்டும்.
தங்குதடையின்றி மருந்துகளை வழங்குதல் மற்றும் மருத்துவமனை அடிப்படை வசதிகளை மேம்படுத்துதல்.
2027 வரவு – செலவுத் திட்டம் தொடர்பாக ஜனாதிபதி அநுரகுமார திசாநாயக்க, பிரதமர் ஹரிணி அமரசூரிய மற்றும் சுகாதார அமைச்சர் ஆகியோருடன் பேச்சுவார்த்தை நடத்த விடுத்த கோரிக்கைகளுக்கு உரிய பதில் கிடைக்காமை உள்ளிட்ட கோரிக்கையை முன்வைத்து அரச வைத்திய அதிகாரிகள் சங்கம் நாடுபூராகவும் நேற்று முதல் போராட்டத்தை முன்னெடுத்து வருகின்ற நிலையில் இன்று கிளிநொச்சி மாவட்ட பொது வைத்தியசாலை வைத்தியர்களினால் போராட்டம் முன்னெடுக்கப்பட்டது.
குறித்த போராட்டத்தில் அரச மருத்துவ அதிகாரிகள் சங்க வடமாகாண இணைப்பாளர் கதிரமலை உமாசுதன் உள்ளிட்ட வைத்தியர்கள் கலந்து கொண்டனர்.
