மஸ்கெலியா நகரில் பாடசாலை மாணவர்களை குறிவைத்து, உரிமம் இல்லாமல் கஞ்சா கலந்த மதன மோதகம் விற்றதாகக் கூறப்படும் குற்றச்சாட்டின் பேரில், மஸ்கெலியா பொலிஸாரால் (04) நேற்று சந்தேகநபர் ஒருவர் கைது செய்யப்பட்டார்.
மஸ்கெலியா பொலிஸாருக்கு கிடைத்த தகவலின் பேரில், 386 கஞ்சா கலந்த மதன மோதக மாத்திரைகள் பறிமுதல் செய்யப்பட்டன.
மஸ்கெலியா பொலிஸாருக்குக் கிடைத்த தகவலின் பேரில், குற்றத்தடுப்பு பிரிவு பொலிஸார் சந்தேகநபரை கைது செய்தனர்.
அவரது ஆயுர்வேதக் கடையில் நடத்தப்பட்ட சோதனையின் போது, கஞ்சாவுடன் கலந்த 386 கஞ்சா கலந்த மதன மோதக மாத்திரைகள் கைப்பற்றப்பட்டதாக, இந்தச் சோதனையை வழிநடத்திய மஸ்கெலியா குற்றத்தடுப்பு பிரிவு பொலிஸ் சார்ஜென்ட் சமீரா (35630) தெரிவித்தார்.
இந்த சந்தேக நபர் சில காலமாக இந்த செயற்பாட்டில் ஈடுபட்டு வருவதாக மஸ்கெலியா பொலிசாருக்குக் கிடைத்த தகவலின் அடிப்படையில் இந்தச் சோதனை நடத்தப்பட்டதாக பொலிஸார் கூறுகின்றனர்.
கைது செய்யப்பட்ட சந்தேக நபர் 24 வயதுடைய தியதலாவாவைச் சேர்ந்தவர் என்றும், அவர் ஹட்டன் மாவட்ட மற்றும் நீதவான் நீதிமன்றத்தில் ஆஜர்படுத்தப்பட உள்ளார் என்றும் மஸ்கெலியா பொலிஸ் நிலைய பொறுப்பதிகாரி எஸ்.எஸ்.புஷ்பகுமார மேலும் தெரிவித்தார்.
மஸ்கெலியா பொலிஸ் நிலைய பொறுப்பதிகாரி எஸ்.எஸ்.புஷ்பகுமார அவர்களின் அறிவுறுத்தல்களின் பேரில், பொலிஸ் சார்ஜென்ட் சமீரா (35630) மற்றும் பொலிஸ் கான்ஸ்டபிள்கள் சங்கீதன் (100772) மற்றும் விக்கிரமசிங்க (107613) ஆகியோர் இந்த சோதனையில் பங்கேற்றனர்.
