தமிழக எதிர்க்கட்சித் தலைவர் உதயநிதி ஸ்டாலின் பிணையில் விடுதலை!

நடிகை த்ரிஷா தொடர்பான சர்ச்சைக்குரிய கருத்து தொடர்பாகக் கைது செய்யப்பட்ட தமிழகத்தின் எதிர்க்கட்சித் தலைவர் உதயநிதி ஸ்டாலினை, அதே நாளில் பொலிஸ் பிணையில் விடுவிக்குமாறு சென்னை மேல் நீதிமன்றம் பொலிஸாருக்கு உத்தரவிட்டுள்ளது.

இது முதலமைச்சர் விஜய் தலைமையிலான அரசுக்கு ஒரு பின்னடைவாக அமைந்தது.

காவிரி நதிநீர் விவகாரம் தொடர்பாகத் தமிழ்நாடு முதலமைச்சர் விஜயை விமர்சித்து ஆற்றிய உரையின்போது உதயநிதி இந்தக் கருத்தைத் தெரிவித்திருந்தார்.

பாலியல் ரீதியான மறைமுகக் குறிப்பாகவும், த்ரிஷாவுடனான விஜய்யின் நட்பைக் குறிப்பதாகவும் பரவலாகக் கருதப்படும் அந்தப் பேச்சுக்கு, தமிழ்நாடு முழுவதும் உள்ள அரசியல் கட்சிகள் கண்டனம் தெரிவித்துள்ளன.

விசாரணையின்போது, உதயநிதியைத் தஞ்சாவூர் பொலிஸார் கைது செய்து தஞ்சாவூருக்கு அழைத்துச் சென்றுள்ளதாகத் தமிழக அரசின் தலைமை சட்டத்தரணி விஜய் நாராயண் சென்னை மேல் நீதிமன்றத்தில் தெரிவித்தார்.

இருப்பினும், அவரை நீதிமன்றக் காவலில் அடைக்கக் காவல்துறைக்கு எண்ணம் இல்லை என்றும், பொலிஸ் நிலைய பிணையில் விடுவிப்பதற்கு முன்னதாக அவரிடம் விசாரணை மட்டுமே நடத்த விரும்புவதாகவும் அவர் தெளிவுபடுத்தினார்.