இளவாலை பொலிஸ் பிரிவிற்குட்பட்ட மாதகல் – சகாயபுரம் (J/150) எனும் கிராமத்தில் அண்மைக்காலமாக போதைப்பொருள் பாவனையாளர்களால் மக்கள் அச்சத்தில் உள்ளனர்.
அங்கு உள்ள காணி ஒன்றில் கூடுகின்ற குழுவினர் போதைப்பொருளை பாவித்துவிட்டு சமூகத்திற்கு ஒவ்வாத செயல்களை செய்வதால் அந்த பகுதியில் உள்ள மக்கள் அச்சத்தில் உள்ளதாக தெரிவிக்கப்படுகிறது. அதேவேளை மாணவர்கள் தமது கல்வியை தொடர முடியாத நிலையில் உள்ளனர்.
மோட்டார் சைக்கிள்களை ஆபத்தான முறையில் செலுத்துதல், கூச்சலிடுதல், வீதியில் செல்பவர்களை வழிமறித்தல், போக்குவரத்துக்கு இடையூறாக செயற்படல், அமைதிக்கு பங்கம் விளைவித்தல் போன்றவற்றில் ஈடுபட்டு வருவதாக குற்றம் சாட்டுகின்றனர்.
இது குறித்து இளவாலை பொலிஸாருக்கு தெரியப்படுத்தினாலும் அவர்கள் நடவடிக்கை எடுப்பதில்லை என மக்கள் குற்றம் சாட்டுகின்றனர்.
எனவே, இது குறித்து சம்பந்தப்பட்ட தரப்பினர் உடனடியாக நடவடிக்கை எடுத்து, சம்பந்தப்பட்ட தரப்பினரை சட்டத்தின் முன்பாக நிறுத்த வேண்டும் என மக்கள் கோரிக்கை முன்வைக்கின்றனர்.
