இன்றைய தினம் (13.03.2026) காலை 10 மணிக்கு மஸ்கெலியா நகரில் உள்ள மஸ்கெலியா வரையறுக்கப்பட்ட பலநோக்கு கூட்டுறவு சங்கத்தின் 55 வருட பூர்த்தியை முன்னிட்டும் மகளிர் தினத்தை முன்னிட்டும் மகளிருக்கான மருத்துவ முகாம் ஒன்றை சங்கத்தின் தலைவர் அவர்களின் வழிகாட்டலில் பலநோக்கு கூட்டுறவு சங்கத்தில் பணிபுரியும் யுவதிகளால் ஏற்பாடு செய்யப்பட்டது.
இந்த மருத்துவ முகாமில் மஸ்கெலியா மாவட்ட வைத்தியசாலையில் உள்ள வைத்திய அதிகாரி மற்றும் அங்கு பணிபுரியும் தாதியர்கள் மேலதிகமாக கிளங்கன் ஆதார வைத்தியசாலையில் உள்ள வைத்திய அதிகாரி அங்கு இயங்கி வரும் இரத்த வங்கி தாதியர்கள் கலந்து கொண்டனர்.
மஸ்கெலியா பிரதேச சபைக்கு உட்பட்ட பகுதிகளில் உள்ள பெண்கள் இந்த மருத்துவ முகாமில் கலந்து கொண்டு சிகிச்சை பெற்றுக்கொண்டனர். அத்துடன் இரத்ததான நிகழ்விலும் கலந்து கொண்டு இரத்த தானம் செய்தனர்.
உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள
WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்
