தமிழ்நாட்டின் கோயம்புத்தூரில் அமைந்துள்ள அரசுப் பாடசாலை ஒன்றில் மாணவர்களுக்கு வழங்கப்பட்ட மதிய உணவை உட்கொண்டதைத் தொடர்ந்து 43 மாணவர்கள் உணவு விஷத்தால் பாதிக்கப்பட்டு வைத்தியசாலையில் அனுமதிக்கப்பட்டுள்ளனர். இந்த சம்பவம் நேற்று (10) இடம்பெற்றதாக தகவல்கள் தெரிவிக்கின்றன.
செவ்வாய்க்கிழமை பாடசாலையில் மாணவர்களுக்கு மதிய உணவு வழங்கப்பட்ட சில நேரங்களிலேயே சில மாணவர்கள் வாந்தி எடுப்பதும் வயிற்றுவலி ஏற்பட்டதாகவும் முறையிட்டனர். பின்னர் இதே போன்ற அறிகுறிகள் பல மாணவர்களிடமும் தென்பட்டதால், அவர்கள் உடனடியாக அரசு வைத்தியசாலைக்கு கொண்டு செல்லப்பட்டு சிகிச்சை அளிக்கப்பட்டது.
தமிழகத்தில் அரசுப் பாடசாலைகளில் வழங்கப்படும் மதிய உணவை உட்கொண்ட பின்னர் மாணவர்கள் பாதிக்கப்படுவது இது முதல் முறை அல்ல என தெரிவிக்கப்படுகிறது.
இதற்கு முன் இந்த ஆண்டு ஜனவரி மாத தொடக்கத்திலும் உணவு விஷம் ஏற்பட்டதாக சந்தேகிக்கப்படும் 33 மாணவர்கள் வைத்தியசாலைக்கு கொண்டு செல்லப்பட்டிருந்தமை குறிப்பிடத்தக்கது.
