பயங்கரவாதத் தடுப்புச் சட்டத்தின் கீழ் தடுத்து வைக்கப்பட்டுள்ள அரச புலனாய்வுச் சேவையின் முன்னாள் பணிப்பாளரும் ஓய்வுபெற்ற மேஜர் ஜெனரலுமான சுரேஷ் சலே, கொழும்பு தேசிய வைத்தியசாலையில் சிகிச்சைகளை நிறைவு செய்து வெளியேற முடியும் என பத்து வைத்தியர்கள் அடங்கிய குழாம் கொழும்பு நீதிவான் நீதிமன்றத்தில் தெரிவித்துள்ளது.
இதனடிப்படையில், சுரேஷ் சலே இன்று மாலை மீண்டும் குற்றப் புலனாய்வுத் திணைக்களத்தின் பொறுப்பில் எடுக்கப்படுவார் என மேலதிக சொலிஸிட்டர் ஜெனரல் திலீப பீரிஸ் நீதிமன்றத்தில் தெரிவித்துள்ளார்.
கொழும்பு தேசிய மருத்துவமனையின் பத்து பேர் கொண்ட மருத்துவக் குழுவினர், சலேவின் சிகிச்சை நிறைவடைந்துள்ளது என்றும், அவரை மருத்துவமனையிலிருந்து விடுவிக்க முடியும் என்றும் கொழும்பு நீதிவான் நீதிமன்றத்துக்குத் தெரிவித்தனர்.
இந்த மருத்துவ மதிப்பீட்டைத் தொடர்ந்து, சல்லே இன்று பிற்பகல் மீண்டும் சி.ஐ.டி. காவலில் எடுத்துக்கொள்ளப்படுகின்றார்.
சி.ஐ.டி. காவலில் இருந்தபோதே சலே கடந்த நான்கு மாதங்களாக கொழும்பு தேசிய மருத்துவமனையில் சிகிச்சை பெற்று வந்தார்.
