உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

மீண்டும் பரவும் பிளேக் நோய்த் தொற்று? : அச்சத்தில் உலக நாடுகள்!

உலக செய்திகள் 2 மாதங்கள் முன்
178 பார்வைகள்

பிளேக் (Plague) நோய்த்தொற்றுக்கு உள்ளாகியிருக்கலாம் எனச் சந்தேகிக்கப்படும் பெண் ஒருவர் உயிரிழந்த சம்பவம் தொடர்பில், ரஷ்ய அதிகாரிகளிடம் உலக சுகாதார ஸ்தாபனம் (WHO) தகவல் கோரியுள்ளது.

ரஷ்ய அதிகாரிகளால் உத்தியோகபூர்வமாக உறுதிப்படுத்தப்படாத ஊடக அறிக்கைகளின்படி, மொஸ்கோவிற்கு கிழக்கே சுமார் 2,600 மைல் தொலைவில் உள்ள சைபீரிய நகரமான இர்குட்ஸ்க்கில் அமைந்துள்ள பிளேக் ஆராய்ச்சி நிறுவனத்தில் பணியாற்றிய 28 வயதான டாரியா ஷிபிலோவா (Daria Shipilova) என்பவரின் மரணத்தைத் தொடர்ந்து, வைத்தியசாலைகளில் பலரும் தனிமைப்படுத்தப்பட்டு கண்காணிக்கப்பட்டு வருகின்றனர்.

ரஷ்யாவின் பொதுச் சுகாதார முகவர் நிலையமான Rospotrebnadzor, இந்த மரணம் பிளேக் நோயினால் ஏற்பட்டது என்பதை உறுதிப்படுத்தவில்லை.

மேலும், இந்த மரணம் காரணம் கண்டறியப்படாத நிமோனியா காய்ச்சலால் ஏற்பட்டது என அது அளித்த விளக்கம், ரஷ்ய டெலிகிராம் அலைவரிசைகளில் குறிப்பிடப்பட்ட தகவல்களுடன் முரண்படுவதாகத் தோன்றுவதுடன், இந்த அறிக்கை குறித்து இன்னும் பல விடயங்கள் தெளிவுபடுத்தப்படாமலேயே உள்ளன.

இர்குட்ஸ்க்கில் உள்ள ஆய்வக ஊழியர் ஒருவர் கடுமையான நிமோனியாவினால் உயிரிழந்தார் என்ற செய்திகளைத் தாம் அறிந்துள்ளதாகவும், ஆனால் இதுவரை மரணத்திற்கான காரணம் எதுவும் உத்தியோகபூர்வமாக உறுதிப்படுத்தப்படவில்லை என்றும், ஆய்வகப் பரிசோதனைகள் நடைபெற்று வருவதாகத் தெரிவிக்கப்பட்டுள்ளதாகவும் உலக சுகாதார ஸ்தாபனம் குறிப்பிட்டுள்ளது.

கிடைக்கப்பெற்றுள்ள உத்தியோகபூர்வமற்ற தகவல்களின் அடிப்படையில், பொதுமக்களுக்கான பொதுச் சுகாதார ஆபத்து குறைவாகவே காணப்படுகிறது.

மேலதிக தகவல்கள் கிடைக்கப் பெற்றதும் இந்த ஆபத்து மதிப்பீடு புதுப்பிக்கப்படும் என்றும் அந்த அறிக்கையில் மேலும் தெரிவிக்கப்பட்டுள்ளது.

ஐரோப்பா இந்த விவகாரத்தை மிகவும் உன்னிப்பாக அவதானித்து வருவதாகவும், நோய் தடுப்பு மற்றும் கட்டுப்பாட்டுக்கான ஐரோப்பிய மையத்துடன் தொடர்பில் இருப்பதாகவும் ஐரோப்பிய ஆணைக்குழுவின் பேச்சாளர் ஒருவர் தெரிவித்ததாக சர்வதேச ஊடங்கள் செய்தி வெளியிட்டுள்ளன.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

139 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0