உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

குஜராத் டைட்டன்ஸ் அபாரமான வெற்றி; தொடரிலிருந்து வெளியேறியது சென்னை சூப்பர் கிங்ஸ்!

95 பார்வைகள்

சென்னை சூப்பர் கிங்ஸ் அணியை 89 ஓட்டங்கள் வித்தியாசத்தில் வீழ்த்தி, 2026 இந்தியன் பிரீமியர் லீக் தொடரில் முதல் இரண்டு இடங்களைப் பிடிப்பதை குஜராத் டைட்டன்ஸ் அணி உறுதி செய்தது.

2022 ஆம் ஆண்டில் ஐபிஎல்-லில் அறிமுகமானதிலிருந்து, குஜராத் டைட்டன்ஸ் அணி 2022, 2023, 2025 மற்றும் 2026 ஆகிய ஆண்டுகளில் நான்கு முறை பிளேஆஃப் சுற்றுக்கு முன்னேறியுள்ளது.

அவர்கள் தங்களது முதல் சீசனிலேயே ஐ.பி.எல். பட்டத்தை வென்ற நிலையில், தற்போது இந்த ஆண்டு இரண்டாவது கிண்ணத்தை வெல்லும் நோக்கில் உள்ளனர்.

அந்த அணி 14 போட்டிகளில் ஒன்பது வெற்றிகளைப் பெற்று, 18 புள்ளிகளைக் குவித்து, 2026 ஐபிஎல் புள்ளிப் பட்டியலில் ரோயல் சேலஞ்சர்ஸ் பெங்களூரு அணிக்கு அடுத்தபடியாக இரண்டாம் இடத்தைப் பிடித்துள்ளது.

அகமதாபாத் நரேந்திர மோடி மைதானத்தில் நேற்றிரவு 07.30 மணிக்கு ஆரம்பமான இப் போட்டியில் நாணய சுழற்சியில் வெற்றி பெற்ற சென்னை சூப்பர் கிங்ஸ் அணி பந்து வீசுவதற்கு தீர்மானித்தது.

அதற்கு அமைவாக முதலில் துடுப்பெடுத்தாடிய குஜராத் டைட்டன்ஸ் அணி 20 ஓவர்களில் நான்கு விக்கெட்டுகளை இழந்து 229 ஓட்டங்களை எடுத்தது.

அணித் தலைவர் ஷுப்மன் கில் 84 ஓட்டங்களும், சாய் சுதர்சன் 64 ஓட்டங்களும் எடுத்தனர்.

ஜோஸ் பட்லர் 57 ஓட்டங்களுடன் ஆட்டமிழக்காமல் இருந்தார்.

சாய் சுதர்சனின் 64 ஓட்டம் என்ற ஆட்டம், அவரை 2026 ஐபிஎல் அதிக ஓட்டங்கள் எடுத்தோர் பட்டியலில் முதலிடத்திற்கு உயர்த்தியதுடன், 14 போட்டிகளில் 638 ஓட்டங்களுடன் ஆரஞ்சு தொப்பியையும் அவருக்குப் பெற்றுத் தந்தது.

ஷுப்மன் கில் 13 இன்னிங்ஸ்களில் 616 ஓட்டங்களுடன் அவரை நெருக்கமாகப் பின்தொடர்கிறார்.

230 ஓட்டங்கள் என்ற இலக்கைத் துரத்திய சென்னை சூப்பர் கிங்ஸ் அணி குஜராத் டைட்டன்ஸ் அணியின் அபாரமான பந்துவீச்சால் 140 ஓட்டங்களுக்குள் சுருண்டது.

சென்னை அணி சார்பில் சிவம் துபே மாத்திரம் அதிகபடியாக 17 பந்துகளில் 47 ஓட்டங்களை எடுத்தார்.

பந்து வீச்சில் குஜராத் அணி சார்பில் மொஹமட் சிராஜ், ரஷித் கான் மற்றும் ககிசோ ரபாடா இருவரும் தலா மூன்று விக்கெட்டுகளை அதிகபடியாக வீழ்த்தினர்.

போட்டியின் ஆட்டநாயகனாக மொஹமட் சிராஜ் தெரிவானார்.

கட்டாயம் வெற்றி பெற்று ஆக வேண்டும் என்ற இந்தப் போட்டியில் சென்னை சூப்பர் கிங்ஸ் அணியானது தோல்வியைத் தழுவியதால் நடப்பு ஐபிஎல் தொடரில் பிளேஆஃப் சுற்றுக்கான வாய்ப்பினை அவர்கள் தவறவிட்டனர்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

விளையாட்டுச் செய்திகள்

3ஆம் நாள் ஆட்டம் நிறைவு: இலங்கை அணி 82 ஓட்டங்களால் முன்னிலை!

பாகிஸ்தானின் ராவல்பிண்டியில் நடைபெற்று வரும் இரண்டாவது டெஸ்ட் கிரிக்கெட் போட்டியின் மூன்றாம் நாள் ஆட்டநேர முடிவில், இலங்கை அணி தனது இரண்டாவது இன்னிங்ஸில் 9 விக்கெட்டுகளை இழந்து…

122 0 0
விளையாட்டுச் செய்திகள்

கால்பந்து வரலாற்றில் சர்வதேச மைல்கல்லைப் பதித்த டி.எப். சூடீன்!

90 ஆண்டுகளுக்கும் மேலான பெருமைமிக்க வரலாற்றைக் கொண்ட நுவரெலியா கால்பந்து விளையாட்டுத் துறையில், இதுவரை எட்டப்படாத ஒரு சர்வதேச மைல்கல்லை நிலைநாட்டி, நுவரெலியா கால்பந்து சங்கத்தின் கீழ்…

126 0 0
விளையாட்டுச் செய்திகள்

பங்களாதேஷ் விக்கெட் கீப்பர் லிட்டன்தாஸ் உலக சாதனை!

தென் ஆப்பிரிக்கா – பங்காளதேஷ் அணிகள் மோதும் முதல் டெஸ்ட் கிரிக்கெட் போட்டி ஜோகன்னஸ்பர்க்கில் நடைபெற்று வருகிறது. பங்காளதேஷ் முதல் இன்னிங்சில் 400 ஓட்டங்களை குவித்தது. இதற்கு…

152 0 0
விளையாட்டுச் செய்திகள்

மெதுவான பந்துவீச்சு : இலங்கை, பாகிஸ்தான் அணிகளுக்கு அபராதம்

ராவல்பிண்டியில் நடைபெற்ற முதலாவது டெஸ்ட் போட்டியில் மெதுவாகப் பந்து வீசிய குற்றச்சாட்டில் இலங்கை மற்றும் பாகிஸ்தான் அணிகளுக்கு சர்வதேச கிரிக்கெட் பேரவை அபராதம் விதித்துள்ளது. இதற்கமைய, பாகிஸ்தான்…

91 0 0