இலங்கையில் தங்கத்தின் விலை நேற்றுடன் ஒப்பிடுகையில் இன்று குறிப்பிடத்தக்க அளவில் குறைந்துள்ளது.
இலங்கை நகை வியாபாரிகள் சங்கம் வெளியிட்டுள்ள தகவலின்படி, நேற்று 4 இலட்சத்து 10 ஆயிரம் ரூபாவாக இருந்த 24 கரட் தங்கப் பவுண் ஒன்றின் விலை இன்று 4 இலட்சத்து 6 ஆயிரம் ரூபாவாகக் குறைந்துள்ளது. இதன்படி 24 கரட் தங்கத்தின் விலையில் 4 ஆயிரம் ரூபா குறைவு ஏற்பட்டுள்ளது.
அதேவேளை, நேற்று 3 இலட்சத்து 79 ஆயிரத்து 200 ரூபாவாக விற்பனை செய்யப்பட்ட 22 கரட் தங்கப் பவுண் ஒன்றின் விலை இன்று 3 இலட்சத்து 75 ஆயிரத்து 500 ரூபாவாகக் குறைந்துள்ளது. இதன்மூலம் 22 கரட் தங்கத்தின் விலையில் 3 ஆயிரத்து 700 ரூபா குறைவு பதிவாகியுள்ளது.
மத்திய கிழக்கு பிராந்தியத்தில் நிலவும் போர்ச் சூழல் மற்றும் சர்வதேச சந்தையில் ஏற்படும் மாற்றங்களின் தாக்கத்தால் இலங்கையில் தங்க விலையில் இவ்வாறு ஏற்ற இறக்கங்கள் ஏற்படுகின்றன என்பதும்குறிப்பிடத்தக்கது.
