மன்னார்- தலைமன்னார் பிரதான வீதி கிளியன் குடியிருப்பு பகுதியில் இன்று சனிக்கிழமை (24) மாலை இராணுவ வாகனம் விபத்துக்குள்ளாகிய நிலையில் இராணுவ வீரர் ஒருவர் உயிரிழந்ததோடு 11 பேர் காயமடைந்துள்ளனர்.
தலைமன்னார் வீதியூடாக மன்னார் நோக்கி இன்று சனிக்கிழமை (24) மாலை இராணுவத்தினர் பயணம் செய்த டிபென்டர் ரக வாகனம் வேகக்கட்டுப்பாட்டை இழந்த நிலையில், வீதி ஓரத்தில் நின்ற பனை மரத்துடன் மோதி விபத்துக்குள்ளாகியுள்ளது.
இதன்போது குறித்த வாகனத்தில் பயணித்த 12 இராணுவத்தினரும் பலத்த காயங்களுக்குள்ளான நிலையில் உடனடியாக பேசாலை வைத்தியசாலைக்கு கொண்டு செல்லப்பட்டனர். இதன்போது இராணுவ வீரர் ஒருவர் உயிரிழந்தார்.
காயமடைந்த இராணுவத்தினர் மேலதிக சிகிச்சைக்காக மன்னார் மாவட்ட பொது வைத்தியசாலைக்கு மாற்றப்பட்டுள்ளனர்.
காயமடைந்தவர்களை சுகாதார அமைச்சர் நேரில் சென்று பார்வையிட்டுள்ளார்.
