தாய்வானை நோக்கி சக்திவாய்ந்த புயல் நகர்ந்து வருவதையடுத்து, அங்கு சுமார் 1,000 உள்நாட்டு மற்றும் சர்வதேச வானூர்திப் பயணங்கள் இரத்து செய்யப்பட்டுள்ளன.
சர்வதேச ஊடகங்களின் தகவலின்படி, இன்று (24) திட்டமிடப்பட்டிருந்த 262 உள்நாட்டு வானூர்திப் பயணங்களும் 660-க்கும் மேற்பட்ட சர்வதேச வானூர்திப் பயணங்களும் இரத்து செய்யப்பட்டுள்ளன.
மோசமான வானிலை காரணமாக தொடருந்து மற்றும் படகுச் சேவைகளும் தற்காலிகமாக இடைநிறுத்தப்பட்டுள்ளதுடன், முன்னெச்சரிக்கை நடவடிக்கையாகப் பல முக்கிய நெடுஞ்சாலைகளும் மூடப்பட்டுள்ளன.
புயலால் ஏற்படக்கூடிய பாதிப்புகளைக் குறைக்கும் நோக்கில், தாய்வான் அதிகாரிகள் பல்வேறு பாதுகாப்பு முன்னெச்சரிக்கை நடவடிக்கைகளை முன்னெடுத்துள்ளதாகவும் சர்வதேச ஊடகங்கள் தெரிவிக்கின்றன.
உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள
WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்
