யுக்ரைனின் போர்க்களத்தில் மிக முக்கியமான தகவல் தொடர்பு அமைப்பாக விளங்கும் ‘ஸ்டார்ஷீல்ட்’ இராணுவ செயற்கைக்கோள் தகவல் தொடர்பு அமைப்பு மீண்டும் செயல்பாட்டுக்குக் கொண்டுவரப்பட்டுள்ளதாக அமெரிக்க ஜனாதிபதி டொனால்ட் ட்ரம்ப் தெரிவித்துள்ளார்.
இந்தச் சேவை மீட்கப்பட்டது குறித்து ஊடகவியலாளர்கள் எழுப்பிய கேள்விக்குப் பதிலளித்த ட்ரம்ப், எலான் மஸ்க் (Elon Musk) இந்தச் சேவையை மீண்டும் இயங்கச் செய்துள்ளதாகக் குறிப்பிட்டார்.
மேலும், இது தொடர்பாக தான் கோரிக்கை விடுத்தேனா அல்லது வேறு யாராவது பேசினார்களா என்பது முக்கியமல்ல, இறுதியில் அவர் அதை மீண்டும் வழங்கிவிட்டார் என்று தெரிவித்தார்.
யுக்ரைன் இராணுவம் தனது உபகரணங்களை இணைக்கும் வேகத்தை எலான் மஸ்க்கின் ஸ்பேஸ்எக்ஸ் (SpaceX) நிறுவனம் குறைத்திருந்ததாகவும், இதனால் யுக்ரைனின் சில ஆளில்லா வானூர்திகள் பயனற்றதாகிவிட்டதாகவும் ‘வால் ஸ்ட்ரீட் ஜேர்னல்’ முன்பு செய்தி வெளியிட்டிருந்தது குறிப்பிடத்தக்கது.
