பொலன்னறுவை – தியபெதும பகுதியில் நேற்று சனிக்கிழமை (21) மாலை காட்டு யானை தாக்கியதில் ஒருவர் உயிரிழந்துள்ளதாக பொலிஸார் தெரிவித்துள்ளனர்.
உயிரிழந்தவர் தியபெதும – அத்தனகடவல பகுதியைச் சேர்ந்த 61 வயதுடைய முதியவர் என அடையாளம் காணப்பட்டுள்ளார்.
யானை தாக்கியதில் படுகாயமடைந்த நபர் தியபெதும வைத்தியசாலையில் அனுமதிக்கப்பட்டு பின்னர் மேலதிக சிகிச்சைகளுக்காக பொலன்னறுவை வைத்தியசாலைக்கு மாற்றப்பட்டார். எனினும், அங்கு சிகிச்சை பலனின்றி அவர் உயிரிழந்துள்ளார்.
உயிரிழந்தவர் மற்றொருவருடன் மோட்டார் சைக்கிளில் பேக்குளம் பகுதியில் உள்ள வயல் நிலங்களுக்குச் சென்று கொண்டிருந்த போதே காட்டு யானைத் தாக்குதலுக்கு உள்ளானதாக ஆரம்பகட்ட விசாரணைகளில் தெரியவந்துள்ளது.
இச்சம்பவம் குறித்து தியபெதும பொலிஸார் மேலதிக விசாரணைகளை முன்னெடுத்து வருகின்றனர்.
உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள
WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்
