சட்டவிரோத பணமீட்டல் குற்றச்சாட்டில் கைதாகிய ‘தெமட்டகொட ருவான்’ தொடர்பான வழக்கில், முன்னாள் நாடாளுமன்ற உறுப்பினர் ஆர். துமிந்த சில்வாவிடம் வாக்குமூலம் பெற இலஞ்ச, ஊழல் ஒழிப்பு ஆணைக்குழுவுக்கு நீதிமன்றம் அனுமதி வழங்கியுள்ளது.
கொழும்பு மேலதிக நீதிவான் லஹிரு சில்வா வழங்கிய உத்தரவின்படி, துமிந்த சில்வாவிடம் எதிர்வரும் 23 ஆம் திகதி காலை 10 மணியளவில் சிறைச்சாலையில் வாக்குமூலத்தை பதிவு செய்யப்படுவார்.
இதற்கு தனது சட்டத்தரணி முன்னிலையில் உரிமை உண்டு என்றும் நீதிமன்றம் சுட்டிக்காட்டியுள்ளது.முன்னதாக, கடந்த 13 ஆம் திகதியில் ஆணைக்குழு அதிகாரிகள் துமிந்த சில்வாவிடம் வாக்குமூலம் பெற முயன்றனர். ஆனால், தனது சட்டத்தரணியின் ஆலோசனை இல்லாமல் வாக்குமூலம் அளிக்க முடியாது என அவர் தெரிவித்து, அந்த முயற்சி தோல்வியடைந்தது.
தெமட்டகொட ருவனுக்கு பிணை பெற்றுக்கொடுப்பதற்காக 50 இலட்சம் ரூபா இலஞ்சம் பெற்றதாகக் குற்றம்சாட்டப்பட்ட முஹம்மது மொஹிதீன் சப்ராஸ் நவாஸ் வழக்கில், மேலதிக விசாரணை அறிக்கையைத் தரக் கோரி நீதிமன்றம் உத்தரவிட்டுள்ளது.
சப்ராஸ் நவாஸ் தொடர்பாக 31 ஆம் திகதி வரை விளக்கமறியல் நடைபெறும் என்றும், துமிந்த சில்வா தொடர்பான சாட்சிச் சுருக்க அறிக்கை சமர்ப்பிக்குமாறு நீதிமன்றம் பணித்துள்ளது.
