திரையரங்குகளில் ரீ-ரிலீஸ் செய்யப்படும் பழைய படங்களுக்கு சமீபகாலமாக ரசிகர்கள் மத்தியில் அமோக வரவேற்பு கிடைத்து வருகிறது.கடந்த வாரம் மௌனம் பேசியது, காதலர் தினம், மின்னலே ஆகிய படங்கள் மீண்டும் வெளியிடப்பட்டன.
இதைத் தொடர்ந்து வரும் பிப்ரவரி 20ஆம் திகதி மேலும் பல வெற்றிப் படங்கள் ரீ-ரிலீஸ் செய்யப்படவுள்ளன.
கில்லி திரைப்படம் 2024ஆம் ஆண்டு மீண்டும் வெளியிடப்பட்ட நிலையில், மீண்டும் பிப்ரவரி 20ஆம் திகதி ரீ-ரிலீஸ் செய்யப்படுகிறது. அதேபோல், துணிவு திரைப்படமும் ரீ-ரிலீஸ் ஆகிறது.மேலும், சூது கவ்வும் திரைப்படம் 13 ஆண்டுகள் கழித்து மீண்டும் திரையரங்குகளில் வெளியாகிறது.இந்த நிலையில், ரீ-ரிலீஸ் ஆகவுள்ள ‘கில்லி’ மற்றும் ‘துணிவு’ படங்களுக்கான முன்பதிவுகள் தொடங்கியுள்ளன. இதுவரை நடைபெற்ற முன்பதிவுகளில் ‘கில்லி’ ரூ.3 லட்சமும், ‘துணிவு’ ரூ.1.5 லட்சமும் வசூலித்துள்ளதாகத் தகவல் வெளியாகியுள்ளது.
