கயல் வின்சன்ட் மற்றும் டி.ஜே. பானு முன்னணி கதாபாத்திரங்களில் நடிக்கும் புதிய திரைப்படம் ‘அந்தோனி’ விரைவில் வெளியாக உள்ளது. இப்படத்தில் இலங்கை நடிகர்களான சுதர்சன் ரவீந்திரன் மற்றும் சவுமி முக்கிய வேடங்களில் நடித்துள்ளனர். மேலும் நிழல்கள் ரவி, அருள்தாஸ் உள்ளிட்ட பலரும் இணைந்து நடித்துள்ளனர்.
சுகிர்தன் கிறிஸ்துராஜா மற்றும் ஜெனோசன் ராஜேஸ்வர் இணைந்து இயக்கியுள்ள இப்படத்திற்கு ரிஷி செல்வம் ஒளிப்பதிவு செய்துள்ளார். இசையமைப்பை இசைஞானி இளையராஜா மேற்கொண்டுள்ளார்.இலங்கையில் போருக்குப் பிறகான வாழ்க்கையை மையமாகக் கொண்ட இப்படத்தின் படப்பிடிப்புகள் யாழ்ப்பாணத்தின் பல்வேறு பகுதிகளில் நடைபெற்றுள்ளன.
நெய்தல் நிலப் பின்னணியில் கடல் வாழ்வியல், காதல், குடும்ப வாழ்க்கை மற்றும் ஆழமான உணர்வுகளை இணைத்து படம் உருவாக்கப்பட்டுள்ளதாக தயாரிப்புதரப்பினர் தெரிவித்துள்ளனர்.ஓசை பிலிம்ஸ் தயாரித்துள்ள ‘அந்தோனி’ திரைப்படத்தின் முதல் தோற்றத்தை நடிகர் துல்கர் சல்மான் மற்றும் இயக்குநர் சீனு ராமசாமி வெளியிட்டனர். படம் விரைவில் திரையரங்குகளில் வெளியாகவுள்ளது.
