நடிகர் ஜி.வி. பிரகாஷ் நடிப்பில் உருவாகியுள்ள ‘ஹேப்பி ராஜ்’ திரைப்படம் மார்ச் 27-ம் தேதி வெளியாகும் என அறிவிக்கப்பட்டுள்ளது.
இசையமைப்பாளராக பல முன்னணி படங்களுக்கு பணியாற்றி வரும் ஜி.வி. பிரகாஷ், சில படங்களில் நாயகனாகவும் நடித்து வருகிறார். அவரது நடிப்பில் உருவான இந்தப் படத்திற்கு சமீபத்தில் வெளியான பாடல் நல்ல வரவேற்பைப் பெற்றுள்ளது.
படத்தின் இதர பாடல்கள் மற்றும் டிரெய்லரை விரைவில் வெளியிட்டு விளம்பரப் பணிகளைத் தொடங்க படக்குழு திட்டமிட்டுள்ளது. பியாண்ட் பிக்சர்ஸ் நிறுவனம் தயாரித்துள்ள இப்படத்தை அறிமுக இயக்குநர் மரியா எழுதி இயக்கியுள்ளார். இவர் பிரதீப் ரங்கநாதனிடம் உதவி இயக்குநராக பணியாற்றியவர் என்பது குறிப்பிடத்தக்கது.
இப்படத்தில் ஜி.வி. பிரகாஷ் உடன் அப்பாஸ், ஸ்ரீ கௌரி பிரியா, ஜார்ஜ் மரியான் உள்ளிட்ட பலர் முக்கிய கதாபாத்திரங்களில் நடித்துள்ளனர். ஒளிப்பதிவாளராக மதன் கிறிஸ்டோபர், இசையமைப்பாளராக ஜஸ்டின் பிரபாகரன் பணியாற்றுகின்றனர். தற்போது படத்தின் இறுதிக்கட்ட பணிகள் தீவிரமாக நடைபெற்று வருகின்றன.
