ஏ.ஜி.எஸ். நிறுவன தயாரிப்பாளர்களில் ஒருவரான கல்பாத்தி சுரேஷின் மகன் திருமண விழாவில், தமிழக வெற்றிக் கழகத்தின் தலைவரும் நடிகருமான விஜய்யும் நடிகை த்ரிஷாவும் கலந்து கொண்டு மணமக்களை வாழ்த்தினர்.சென்னையில் நடைபெற்ற இந்த திருமண நிகழ்வில், ஏ.ஜி.எஸ். நிறுவன தயாரிப்பாளர்களான கல்பாத்தி அகோரம், கல்பாத்தி கணேஷ் மற்றும் கல்பாத்தி சுரேஷ் ஆகியோரின் குடும்பத்தினர் மற்றும் திரைத்துறையினர் பலரும் கலந்து கொண்டனர்.
இந்நிகழ்வில் விஜய்யும் த்ரிஷாவும் ஒன்றாக கலந்து கொண்டு மேடையில் அருகருகே நின்று மணமக்களை வாழ்த்திய காட்சிகள் சமூக வலைதளங்களில் பரவி வருகின்றன.இதற்கிடையில், விஜய்யின் மனைவி சங்கீதா விவாகரத்து கோரி நீதிமன்றத்தில் மனுத் தாக்கல் செய்துள்ளதாக சமீபத்தில் தகவல்கள் வெளியாகியிருந்தன.
இந்த நிலையில் விஜய்யும் த்ரிஷாவும் ஒரே நிகழ்வில் கலந்து கொண்டது சமூக வலைதளங்களில் பெரும் பேசுபொருளாகியுள்ளது.
திருமண விழாவில் இருவரும் மணமக்களை வாழ்த்தும் காணொளி பதிவை பொதுத் தொடர்பு அதிகாரி நிகில் முருகன் தனது சமூக வலைதளப் பக்கத்தில் வெளியிட்டுள்ளதையும் தொடர்ந்து இணையத்தில் பல்வேறு கருத்துகள் வெளியாகி வருகின்றன.
