நடிகர் சிவகார்த்திகேயன் அடுத்த படத்தில் நாயகியாக பாக்யஸ்ரீ போஸிடம் பேச்சுவார்த்தை நடத்தி இருக்கிறார்.
முன்னதாக வெங்கட்பிரபு இயக்கத்தில் உருவாகும் படத்தில் நடிக்கத் திட்டமிட்டார் சிவகார்த்திகேயன். ஆனால் அந்த படம் தயாராக நீண்ட நாட்களாக இருப்பதால், அதோடு இணைந்து இன்னும் இரண்டு படங்களில் நடிக்க திட்டமிட்டு இருக்கிறார்.
அவற்றில் ஒன்றை ‘தாய் கிழவி’ இயக்குநர் சிவகுமார் முருகேசன் இயக்கவுள்ளார். இப்படத்துக்கான ப்ரோமோ படப்பிடிப்பு மதுரையில் முடிந்துவிட்டது. இப்படத்தை சிவகார்த்திகேயனே தயாரிக்கவுள்ளார்.இதில் நாயகியாக நடிக்க பாக்யஸ்ரீ போஸிடம் பேச்சுவார்த்தை நடத்தப்பட்டு வருகிறது. இவர் அறிமுகமாகும் நேரடி தமிழ் படம் ஆகும் என்று கூறப்படுகிறது. ‘காந்தா’ படத்தில் அவரது நடிப்பு அனைவரையும் ஆச்சரியப்படுத்தியது என்பது குறிப்பிடத்தக்கது.
முழுக்க கிராமத்து பின்னணியில் நடைபெறும் கதை என்பதால், இப்படத்தின் படப்பிடிப்பை ஒரே கட்டமாக முடிக்க திட்டமிடப்பட்டுள்ளது. இசையமைப்பாளராக சந்தோஷ் நாராயணன் பணியாற்றவுள்ளார்.சிவகார்த்திகேயனின் பிறந்த நாளான பெப்ரவரி 17-ம் திகதியில் இப்படம் குறித்த அதிகாரபூர்வ அறிவிப்பு வெளியாகவுள்ளதாக தகவல் வெளியாகியுள்ளது.
