மாதவ் ராமதாசன் இயக்கத்தில், 888 திரைப்பட தயாரிப்பு நிறுவனம் சார்பில் சஜித் கிருஷ்ணன் தயாரித்த புதிய கிரைம் திரில்லர் திரைப்படம் “ஆழி”. நீண்ட இடைவேளைக்கு பின் சரத்குமார் கதாநாயகனாக திரும்ப நடிக்கிறார்.கடலை மையமாகக் கொண்டு உருவாக்கப்பட்ட இப் படத்தில் தேவிகா சதீஷ், இந்திரஜித் ஜெகன், தாமரைச் செல்வி உள்ளிட்டோர் முக்கிய கதாபாத்திரங்களில் நடித்துள்ளனர்.
ஒளிப்பதிவு ஆனந்த் என். நாயர் மேற்கொண்டுள்ளார். இசையமைப்பை ஜெஸ்ஸி கிப்ட் செய்துள்ளார்.கிரைம் திரில்லராக உருவாகிய “ஆழி” படத்தை 888 திரைப்பட தயாரிப்பு நிறுவனம் மற்றும் செல்லுலாய்ட் திரைப்படக் குழு இணைந்து தயாரித்துள்ளன. படம் தமிழ் மற்றும் மலையாளம் மொழிகளில் உலகம் முழுவதும் மார்ச் 27ஆம் திகதி வெளியாகும் என அறிவிக்கப்பட்டுள்ளது.படத்தின் முன்காட்சியும் தற்போது வெளியிடப்பட்டுள்ளது, ரசிகர்களிடையே பெரும் ஆர்வத்தை ஏற்படுத்தி வருகிறது.
