மீண்டும் திரையரங்குகளில் மங்காத்தா திரைப்படம் -ஆறு நாட்களில் செய்துள்ள வசூல்.!

நடிகர் அஜித் குமார் நடித்த திரைப்படங்களில் முக்கியமான இடத்தைப் பெற்றுள்ள மங்காத்தா திரைப்படம், அவரது சிறந்த பத்து பெருவெற்றி திரைப்படங்களில் ஒன்றாக ரசிகர்களால் மதிக்கப்படுகிறது.

இந்தத் திரைப்படம் மீண்டும் திரையரங்குகளில் வெளியிடப்படும் நாளை ரசிகர்கள் நீண்ட காலமாக ஆவலுடன் எதிர்பார்த்து வந்தனர்.அந்த எதிர்பார்ப்பை நிறைவேற்றும் வகையில், கடந்த 23ஆம் திகதி மங்காத்தா திரைப்படம் மீள்திரையிடலாக வெளியிடப்பட்டது.

மீண்டும் திரையரங்குகளை அடைந்த முதல் நாளிலிருந்தே, மங்காத்தா திரைப்படம் திரையரங்குகளை திருவிழா சூழலாக மாற்றியது.புதிய திரைப்படங்களுக்கு இணையாகவே, முதல் நாளிலிருந்தே வசூலில் வேகமாக முன்னேறி வருகிறது.

இந்நிலையில், ஆறு நாட்களை கடந்துள்ள மங்காத்தா திரைப்படம் உலகளவில் ஈட்டியுள்ள வசூல் தொடர்பான தகவல்கள் வெளியாகியுள்ளன.அதன்படி, இதுவரை மங்காத்தா திரைப்படம் உலகளவில் ரூபா 20 கோடி வருவாயை ஈட்டியுள்ளது.மீள்திரையிடலாக வெளியிடப்பட்ட ஒரு திரைப்படம் குறுகிய காலத்திலேயே இத்தகைய பெரும் வரவேற்பையும் வருவாயையும் பெற்றுள்ளமை, அஜித் ரசிகர்களிடையே பெரும் உற்சாகத்தை ஏற்படுத்தியுள்ளது.