160 ஆண்டுகளை நிறைவு செய்த இலங்கை காவல்துறைக்கு பிரிடோ நிறுவனம் வாழ்த்து.!

இலங்கையில் காவல்துறை சேவை ஆரம்பிக்கப்பட்டு 160 ஆண்டுகள் நிறைவடைந்துள்ள நிலையில், நாட்டின் பாதுகாப்பையும் சட்டம் மற்றும் ஒழுங்கையும் உறுதிப்படுத்துவதற்காக அர்ப்பணிப்புடன் பணியாற்றி வரும் அனைத்து காவல்துறை உத்தியோகத்தர்களுக்கும் பிரிடோ நிறுவனத்தின் சார்பில் மனமார்ந்த வாழ்த்துக்களும் பாராட்டுக்களும் தெரிவிக்கப்பட்டுள்ளன.

இலங்கையின் காவல்துறை சேவை ஆரம்பிக்கப்பட்ட காலம் முதல், சமூகத்தில் சட்டம் மற்றும் ஒழுங்கை நிலைநாட்டுதல், குற்றங்களைத் தடுப்பது மற்றும் மக்களின் உயிர், உடைமைகளின் பாதுகாப்பை உறுதி செய்தல் உள்ளிட்ட முக்கிய பொறுப்புகளை காவல்துறையினர் நிறைவேற்றி வருகின்றனர்.

காலப்போக்கில் நாட்டின் சமூக, பொருளாதார மற்றும் தொழில்நுட்ப மாற்றங்களுக்கு ஏற்ப காவல்துறை சேவையும் பல்வேறு பரிணாமங்களை எதிர்கொண்டு, நவீனமயமாகி மக்களுக்கு சேவையாற்றி வருகின்றது.

நகரங்கள் முதல் கிராமங்கள் வரை, பெருந்தோட்டப் பகுதிகள் முதல் தொலைதூரப் பிரதேசங்கள் வரை, இரவு பகலாக பல்வேறு சவால்கள் மற்றும் சிரமங்களுக்கு மத்தியில் கடமையாற்றும் காவல்துறை உத்தியோகத்தர்கள், மக்களின் பாதுகாப்பை உறுதி செய்வதில் முக்கிய பங்காற்றி வருகின்றனர்.

இந்நிலையில், 160ஆவது காவல்துறை தினத்தை முன்னிட்டு, பிரிடோ நிறுவனத்தின் தலைவரின் ஆசியுடன், நிறுவனத்தின் இணைப்பாளர்களான திருமதி சந்தோஷம் மற்றும் திரு. சிவகுமார் ஆகியோர் இணைந்து நானுஓயா மற்றும் தலவாக்கலை காவல் நிலையங்களுக்கு நேரில் சென்று, அங்குள்ள காவல்துறை அதிகாரிகள் மற்றும் உத்தியோகத்தர்களுக்கு வாழ்த்துக்களையும் பாராட்டுக்களையும் தெரிவித்தனர்.

இதன்போது, மக்களின் பாதுகாப்பிற்காக தங்களது தனிப்பட்ட நேரத்தையும் வசதிகளையும் அர்ப்பணித்து, கடமை உணர்வுடனும் பொறுப்புடனும் பணியாற்றி வரும் காவல்துறை உத்தியோகத்தர்களின் சேவை மிகவும் பாராட்டுக்குரியது என தெரிவிக்கப்பட்டது.

அதேவேளை, பிரிடோ நிறுவனத்தின் பொகவந்தலாவ இணைப்பாளர்களான அமரசெல்வம் மற்றும் கருணாகரன் ஆகியோரின் தலைமையிலும், மஸ்கெலியா மற்றும் பொகவந்தலாவ பகுதிகளில் கடமையாற்றும் காவல்துறை அதிகாரிகள் மற்றும் உத்தியோகத்தர்களுக்கு 160ஆவது காவல்துறை தின வாழ்த்துச் செய்திகள் வழங்கப்பட்டன.

பெருந்தோட்டப் பகுதிகளில் மக்களுடன் நெருக்கமாக பணியாற்றி வரும் காவல்துறையினரின் அர்ப்பணிப்பு, பொறுப்பு மற்றும் சேவையை பாராட்டும் வகையில் இந்த வாழ்த்துத் தெரிவிப்பு நிகழ்வுகள் முன்னெடுக்கப்பட்டன.

160 ஆண்டுகால காவல்துறை சேவையின் பெருமையை மேலும் உயர்த்தி, எதிர்காலத்திலும் மக்கள் நலனையும் நாட்டின் பாதுகாப்பையும் முன்னிறுத்தி சிறப்பாக பணியாற்ற அனைத்து காவல்துறை உத்தியோகத்தர்களுக்கும் பிரிடோ நிறுவனத்தின் சார்பில் மனமார்ந்த வாழ்த்துக்கள் தெரிவிக்கப்பட்டன.