பாலைவனமாக்கல் மற்றும் வறட்சியை எதிர்க்கும் உலக தினத்தை முன்னிட்டு சிறுவர்களின் விழிப்புணர்வு நிகழ்வு!
பாலைவனமாக்கல் மற்றும் வறட்சியை எதிர்க்கும் உலக தினத்தை முன்னிட்டு, பலாந்தோட்டை அபினி ஆரம்பக் குழந்தைப் பருவ அபிவிருத்தி நிலையத்தின் ஏற்பாட்டில் சுற்றுச்சூழல் பாதுகாப்பு தொடர்பான விழிப்புணர்வு நிகழ்வு அண்மையில் நடைபெற்றது.
நிலையத்தின் தலைமை ஆசிரியர் ஈ. ஜி. சாமிலா குமாரி அவர்களின் தலைமையிலும், உதவி ஆசிரியர் திடில்மி அப்சரா அவர்களின் ஒருங்கிணைப்பிலும் நடைபெற்ற இந்நிகழ்வில் பதினாறு சிறுவர்கள் ஆர்வத்துடன் பங்கேற்றனர்.
நிகழ்வின் போது, சிறுவர்கள் சுற்றுச்சூழலைப் பாதுகாப்போம், மரங்களை வளர்ப்போம், மரங்களை வெட்டுவதைத் தவிர்ப்போம், நில வளங்களைப் பேணுவோம், நீரைச் சிக்கனமாகப் பயன்படுத்துவோம் போன்ற விழிப்புணர்வு வாசகங்கள் எழுதப்பட்ட பதாதைகளை ஏந்தியவாறு பொதுமக்களுக்கு விழிப்புணர்வை ஏற்படுத்தினர்.
மேலும், இன்றைய சிறுவர்களே நாளைய உலகின் பாதுகாவலர்கள் என்பதையும், பாலைவனமாக்கல் மற்றும் வறட்சியைத் தடுப்பதற்கு மரம் வளர்த்தல், இயற்கை வளங்களைப் பாதுகாத்தல் மற்றும் சுற்றுச்சூழலை நேசிக்கும் பண்பை சிறுவயதிலிருந்தே வளர்த்துக் கொள்வது அவசியம் என்பதையும் ஆசிரியர்கள் எடுத்துரைத்தனர்.
சிறுவர்களிடையே சுற்றுச்சூழல் பாதுகாப்பு குறித்த பொறுப்புணர்வை வளர்க்கும் நோக்கில் நடைபெற்ற இந்நிகழ்வு, பசுமையான எதிர்காலத்தை உருவாக்க அனைவரும் ஒன்றிணைந்து செயல்பட வேண்டும் என்ற செய்தியை வலியுறுத்திய சிறப்பான நிகழ்வாக அமைந்தது.
