ருவன்வெல்ல பொலிஸ் பிரிவுக்குட்பட்ட இஹல மொரவத்த பகுதியில் உள்ள வாகன சேவை மையம் ஒன்றில் நேற்று வியாழக்கிழமை (2) பணியாற்றிக்கொண்டிருந்த 18 வயது இளைஞன் ஒருவர் மின்சாரத் தாக்குதலுக்கு இலக்காகி பரிதாபமாக உயிரிழந்துள்ளார்.
பாதிக்கப்பட்ட இளைஞர் கரவனெல்ல வைத்தியசாலையில் அனுமதிக்கப்பட்டபோது சிகிச்சை பலனின்றி உயிரிழந்துள்ளதாக பொலிஸார் தெரிவித்துள்ளனர்.
உயிரிழந்தவர் மொரவத்த, ருவன்வெல்ல பகுதியைச் சேர்ந்த 18 வயதுடைய இளைஞன் என தெரிவிக்கப்படுகிறது.
அவர் அந்தப் பகுதியில் உள்ள வாகன சேவை நிலையம் ஒன்றில் ஊழியராகக் கடமையாற்றி வந்தவர் என்பதும், அங்கு தனது பணியில் ஈடுபட்டிருந்தபோதே எதிர்பாராத விதமாக இந்த மின்சாரத் தாக்குதலுக்கு இலக்காகியுள்ளார் என்பதும் பொலிஸாரின் ஆரம்பகட்ட விசாரணைகளில் தெரியவந்துள்ளது.
இந்த சம்பவம் குறித்து ருவன்வெல்ல பொலிஸார் மேலதிக விசாரணைகளில் ஈடுபட்டுவருகின்றனர்.
