19 வயதுக்கு உட்பட்ட உலகக் கிண்ண அரையிறுதி போட்டிகளில் இன்று (03) அவுஸ்திரேலியா மற்றும் இங்கிலாந்து இளையோர் அணிகள் மோதவிருப்பதோடு நாளை (04) ஆப்கானிஸ்தான் மற்றும் இந்திய அணிகள் பலப்பரீட்சை நடத்தவுள்ளன.
முதலாவது அரையிறுதிப் போட்டி புலவாயோவிலும் இரண்டாவது அரையிறுதிப் போட்டி ஹராரேவிலும் நடைபெறவுள்ள நிலையில் அவுஸ்திரேலிய அணி நடப்புச் சம்பியன் பட்டத்தை தக்கவைத்துக் கொள்ள களமிறங்கவுள்ளது.இதில் இந்திய அணி நேற்று முன்தினம் பாகிஸ்தானுக்கு எதிரான தீர்க்கமான சுப்பர் 8 போட்டியில் வெற்றியீட்டியே அரையிறுதிக்கு தகுதி பெற்றது.
புலவாயோவில் நடைபெற்ற இந்தப் போட்டியில் முதலில் துடுப்பெடுத்தாட பணிக்கப்பட்ட இந்திய அணி 49.5 ஓவர்களில் சகல விக்கெட்டுகளையும் இழந்து 252 ஓட்டங்களைப் பெற்றது. எனினும் பதிலெடுத்தாடிய பாகிஸ்தான் இளையோர் அணி 46.2 ஓவர்களில் 194 ஓட்டங்களுக்கு சகல விக்கெட்டுகளையும் பறிகொடுத்தது.
இதன்மூலம் சுப்பர் சிக்ஸ் சுற்றின் குழு 2 இல் முதல் இடத்திற்கு முன்னேறியே இந்திய 19 வயதுக்கு உட்பட்ட அணி அரையிறுதிக்கு தகுதி பெற்றமை குறிப்பிடத்தக்கது.
இளையோர் உலகக் கிண்ண இறுதிப் போட்டி எதிர்வரும் பெப்ரவரி 6 ஆம் திகதி ஹராரேவில் நடைபெறவுள்ளது.
