2027 ஆம் ஆண்டு இந்தியன் பிரீமியர் லீக் (ஐ.பி.எல்) தொடருக்கு முன்னதாக, சென்னை சுப்பர் கிங்ஸ் அணியின் புதிய தலைமை பயிற்றுவிப்பாளர் முன்னாள் இந்திய வேகப்பந்து வீச்சாளர் ஸஹீர் கான் நியமிக்கப்பட்டுள்ளார்.
கடந்த 17 ஆண்டுகளாகச் சென்னை அணியின் தலைமைப் பயிற்றுவிப்பாளராகப் பணியாற்றி வந்த ஸ்டீபன் பிளெமிங் ஜூலை மாதத்துடன் அந்தப் பொறுப்பிலிருந்து விலகிய நிலையில், ஐந்து முறை ஐ.பி.எல் செம்பியனான சென்னை சுப்பர் கிங்ஸ் அணி நிர்வாகம் இந்த புதிய நியமனத்தை அறிவித்துள்ளது.
இந்தியாவின் 2011 உலகக் கிண்ண வெற்றி அணியில் இடம்பெற்றிருந்த ஷஹீர் கான், இதற்கு முன்னர் மும்பை இந்தியன்ஸ் மற்றும் லக்னோ சுப்பர் ஜெயண்ட்ஸ் ஆகிய அணிகளில் பயிற்றுவிப்பாளர் மற்றும் கிரிக்கெட் முகாமையாளர் பொறுப்புகளை வகித்துள்ளார்.
மும்பை இந்தியன்ஸ் அணியின் கிரிக்கெட் பணிப்பாளராகவும் பின்னர் உலகளாவிய கிரிக்கெட் அபிவிருத்தித் தலைவராகவும் பணியாற்றிய அவர், லக்னோ சுப்பர் ஜெயண்ட்ஸ் அணியின் ஆலோசகராகவும் (Mentor) செயல்பட்டுள்ளார் என்பது குறிப்பிடத்தக்கது.
