அர்ஜென்டினா அணிக்காக தனது கடைசி சர்வதேசப் போட்டியில் விளையாடவுள்ள கால்பந்து நட்சத்திரம் லியோனல் மெஸ்ஸி, அதற்காக வடிவமைக்கப்பட்டுள்ள சிறப்பு ஜெர்சியை அறிமுகப்படுத்தியுள்ளார்.
அர்ஜென்டினா மற்றும் பெனின் அணிகளுக்கு இடையிலான சர்வதேச நட்புறவுப் போட்டி எதிர்வரும் ஒக்டோபர் 6ஆம் திகதி புவனஸ் அயர்ஸில் உள்ள எஸ்டாடியோ மொனுமென்டல் (Estadio Monumental) மைதானத்தில் நடைபெறவுள்ளது.
இந்தப் போட்டியே அர்ஜென்டினா தேசிய அணிக்காக மெஸ்ஸி விளையாடும் கடைசி போட்டியாக அமையவுள்ளதாக அறிவிக்கப்பட்டுள்ளது.
இந்நிலையில், மெஸ்ஸி தனது சமூக வலைத்தளப் பதிவின் மூலம் சிறப்பு ஜெர்சியை ரசிகர்களுக்கு அறிமுகப்படுத்தியுள்ளார்.
அர்ஜென்டினாவின் பாரம்பரிய நிறங்களை அடிப்படையாகக் கொண்டுள்ள இந்த ஜெர்சியில், மெஸ்ஸியின் பெயரும் 10ஆம் இலக்கமும் தங்க நிறத்தில் இடம்பெற்றுள்ளதுடன், பின்புறத்தில் அர்ஜென்டினாவின் அடையாளமான ‘மே மாத சூரியன்’ இடம்பெற்றுள்ளதாக தெரிவிக்கப்பட்டுள்ளது.
“கடைசிப் போட்டி… வாழ்நாள் முழுவதும் நினைவில் நிற்கும் ஜெர்சி” என்ற கருத்துடன் மெஸ்ஸி இந்த ஜெர்சியை அறிமுகப்படுத்தியுள்ளார்.
