யாழ்ப்பாணம், கொட்டடியைச் சேர்ந்த 11 வயதுச் சிறுவன் ஒருவன் தூக்கில் தொங்கி உயிரிழந்துள்ளார் எனத் தெரிவித்து அவரது சடலம் யாழ்ப்பாணம் போதனா வைத்தியசாலையில் நேற்று செவ்வாய்க்கிழமை ஒப்படைக்கப்பட்டுள்ளது.
தூக்கில் தொங்கிய நிலையில் சிறுவனை உடனடியாக மீட்ட அவரது தாயார் வைத்தியசாலைக்குக் கொண்டு சென்ற போதிலும், அதற்குள் சிறுவனின் உயிர் பரிதாபகரமாகப் பிரிந்துள்ளது.
நாவல் மரக் கிளையில் குளுக்கோஸ் வயரிலேயே சிறுவன் தொங்கியுள்ளார் என்று தெரிவிக்கப்பட்டுள்ளது.
உயிரிழந்த சிறுவனின் சடலம் மேலதிக பிரேத பரிசோதனைக்காக யாழ்ப்பாணம் போதனா வைத்தியசாலையில் வைக்கப்பட்டுள்ளது.
இதேநேரம், இந்த மரணம் தற்கொலை என்று நிரூபணம் செய்யப்பட்டால், இலங்கையில் இடம்பெற்ற மிகக் குறைந்த வயதுத் தற்கொலையாக இது பதிவாகும் என்று கூறப்படுகின்றது.
இலங்கையில் இதுவரை பதிவான மிகக் குறைந்த வயதுத் தற்கொலையாக 13 வயது உள்ளமை குறிப்பிடத்தக்கது.
