இயக்குநர் கணேஷ் கே. பாபு இயக்கத்தில் உருவாகியுள்ள “கராத்தே பாபு” திரைப்படம், திரையுலகில் அதிக எதிர்பார்ப்பை ஏற்படுத்தியுள்ளது.இத்திரைப்படத்தில் நாயகனாக நடிகர் ரவி மோகன் நடித்துள்ளார்.
தனது கதாபாத்திரத்திற்கு ஏற்ற வகையில் ஆழமான உணர்வுகளை வெளிப்படுத்தும் நடிப்பை அவர் வழங்கியுள்ளதாக தெரிவிக்கப்படுகிறது. அவருடன் இணைந்து கே. எஸ். ரவிக்குமார், நாசர், காளி வெங்கட், விடிவி கணேஷ் உள்ளிட்ட பல அனுபவமிக்க நடிகர்கள் முக்கிய வேடங்களில் நடித்துள்ளனர்.“கராத்தே பாபு” திரைப்படத்தின் இசையமைப்பாளராக சாம் சி.எஸ் பணியாற்றியுள்ளார்.
திரைப்படத்தின் அரசியல் பின்னணியையும் கதையின் உணர்ச்சித் தன்மையையும் வலுப்படுத்தும் வகையில் அவரது இசை அமைந்துள்ளதாக கூறப்படுகிறது.இந்நிலையில், இத்திரைப்படத்தின் டீசர் சமீபத்தில் வெளியிடப்பட்டு, இணையத்திலும் சமூக வலைத்தளங்களிலும் வேகமாகப் பரவி வருகிறது. டீசரில் ரவி மோகனின் கதாபாத்திர வடிவம், போர்க்காட்சிகள் மற்றும் அரசியல் பின்னணி கவனம் ஈர்க்கும் வகையில் இடம்பெற்றுள்ளன.டீசரை கண்ட ரசிகர்கள், சமூக ஊடகங்கள் மூலம் தங்களது பாராட்டுகளையும் எதிர்பார்ப்புகளையும் வெளிப்படுத்தி வருகின்றனர்.
