வேப்பங்குளம், பட்டகாடு, 60ஏக்கர் பகுதிகளில் வீதிமின்விளக்குகள் பொருத்தம்

வவுனியா மாநகரசபைக்குட்பட்ட பட்டாணிச்சுபுளியங்குளம் (2ம் வட்டாரம்) வட்டாரத்திற்குட்பட்ட வேப்பங்குளம், பட்டகாடு மற்றும் 60ஏக்கர் ஆகிய பகுதிகளில் வீதிமின்விளக்குகள் வவுனியா மாநகரசபையினால் பொருத்தப்பட்டன.

பாராளுமன்ற உறுப்பினர் மருத்துவர் ப.சத்தியலிங்கம் அவர்களின் செயலாளர் பாலச்சந்திரன் சிந்துஜன் அவர்களினால், வட்டார மாநகரசபை உறுப்பினர் வைரமுத்து வரதலட்சுமி மற்றும் மாநகரசபை முதல்வர் சுந்தரலிங்கம் காண்டீபன் ஆகியோரிடம் விடுக்கப்பட்ட கோரிக்கையின் நிமித்தம் குறித்த மின்விளக்குகள் நேற்று(30.07) மற்றும் இன்றைய(31.07) தினங்களில் பொருத்தப்பட்டன.

மேற்குறித்த பகுதிகளில் இரவு வேளைகளில் வீதிமின்விளக்குகள் இன்மையால் குறித்த பகுதி மக்களும் அவ்வீதிகளை பயன்படுத்துவோரும் தொடர்ச்சியான சிரமங்களை எதிர்கொண்டுவந்தனர். இதனையடுத்து கிடைக்கப்பெற்ற தொடர் கோரிக்கைகளின் பிரகாரம் பாராளுமன்ற உறுப்பினரின் செயலாளரால் இந்த வேண்டுகோள் முன்வைக்கப்பட்டது.

இதனையடுத்து மாநகர முதல்வரின் பணிப்பின்பேரில் குறித்த வட்டார உறுப்பினர் வைரமுத்து வரதலட்சுமி அவர்களின் ஒதுக்கீட்டின் கீழ் குறித்த மின்குமிழ்கள் பொருத்தப்பட்டதுடன் இதன்போது குறித்த உறுப்பினரும் நேரில் பிரசன்னமாகியிருந்தார்.