தலவாக்கலை புனித பத்திரிசியார் ஆலய வருடாந்த திருவிழா; பெருந்திரளான பக்தர்கள் பங்கேற்பு.!
கண்டி மறைமாவட்டத்திற்கு உட்பட்ட தலவாக்கலை புனித பத்திரிசியார் ஆலயத்தின் 2026ஆம் ஆண்டிற்கான வருடாந்த திருவிழா, நேற்று ஞாயிற்றுக்கிழமை (22) மிகவும் பக்திபூர்வமாகவும் கோலாகலமாகவும் கொண்டாடப்பட்டது.
இத்திருவிழா நிகழ்வுகள் காலை 10.00 மணிக்கு ஆரம்பமானதுடன் நிகழ்வுக்கு வருகை தந்த அருட்தந்தையர்கள் மற்றும் அருட்சகோதரிகளை, நுவரெலியா சென்கிளயர் தமிழ் மகா வித்தியாலய மாணவர்களின் பேண்ட் வாத்திய இசை முழங்க, பங்கு மக்கள் உற்சாகத்துடன் வரவேற்று ஆலயத்திற்கு அழைத்து சென்றமை குறிப்பிடத்தக்கது.
மறைமாவட்டக் குருமுதல்வர் அருட்தந்தை எல்வின் பீட்டர் பெர்னாண்டோ அடிகளாரின் தலைமையில் இத்திருவிழா கூட்டுத் திருப்பலி ஒப்புக்கொடுக்கப்பட்டமையும் சிறப்பம்சமாகும்.
“ஆண்டவர் உங்களுடன் இருக்கட்டும், அவருடைய ஒளி உங்களை வழிநடத்தட்டும்” எனும் புனித பத்திரிசியாரின் உயரிய சிந்தனைக்கு அமைவாக இத் திருப்பலி இடம்பெற்றது.
இத் திருவிழா திருப்பலியில் ஆலய பங்குத்தந்தை அருட்பணி ஜேசுதாசன் அடிகளார், உதவிப் பங்குத்தந்தை அருட்பணி ரன்ஜித லக்ஷான் அடிகளார், மறைமாவட்டத்தின் மூத்த குருவான அருட்பணி பாலா ராஜேந்திரம் அடிகளார் ஆகியோருடன் அருட்சகோதரிகள் மற்றும் நாட்டின் பல பாகங்களிலிருந்தும் வருகை தந்த பெருந்திரளான இறைமக்கள் கலந்து கொண்டு சிறப்பித்தமை குறிப்பிடத்தக்கது.
விழாவின் நிறைவில் அனைவருக்கும் திருவிழா நல்வாழ்த்துகள் தெரிவிக்கப்பட்டதுடன், விசேட ஆசீர்வாத நிகழ்வுகளும் இடம்பெற்றதைத் தொடர்ந்து கலந்து கொண்ட அனைத்து மக்களுக்கும் மதிய உணவுகள் பங்கு மக்களின் ஏற்பாட்டில் வழங்கப்பட்டமை குறிப்பிடத்தக்கது.
