T20 உலகக் கிண்ணக் கிரிக்கெட் தொடரின் குழு மட்டப் போட்டிகள் இறுதிக்கட்டத்தை எட்டிய நிலையில், இன்று இந்திய அணி, நெதர்லாந்து அணியை எதிர்கொள்கிறது.அகமதாபாத்தில் உள்ள நரேந்திர மோடி மைதானத்தில் இன்று இரவு 7:00 மணிக்கு போட்டி தொடங்கவுள்ளதாக அறிவிக்கப்பட்டுள்ளது. இந்தியா ஏ’ பிரிவில் அமெரிக்கா, நமீபியா மற்றும் பாகிஸ்தான் அணிகளைத் தோற்கடித்து ‘சூப்பர் 8’ சுற்றுக்கு தகுதி பெற்றுள்ளது. குறிப்பாக, பாகிஸ்தானுக்கு எதிரான போட்டியில் 61 ஓட்டங்களால் இந்தியா அபார வெற்றி பெற்றது.
இன்றைய போட்டி இந்தியாவின் அடுத்த சுற்று வாய்ப்பை பாதிக்காததால், முன்னணி வீரர்கள் ஜஸ்பிரித் பும்ரா மற்றும் ஹர்திக் பாண்டியா ஆகியோருக்கு ஓய்வு வழங்கப்பட வாய்ப்பு உள்ளது.கடந்த இரண்டு போட்டிகளில் ஓட்டமின்றி அவுட் ஆன அபிஷேக் சர்மா, சுப்பர் 8 சுற்றுக்குள் தனது திறனை மீட்க போராடவுள்ளார்.
நெதர்லாந்து அணி ஸ்கொட் எட்வர்ட்ஸ் தலைமையில் பல ஆல்-ரவுண்டர்களைக் கொண்டிருப்பதால் இந்தியா மீது சவால் அளிக்கக் கூடும். இதுவரை சர்வதேச கிரிக்கெட் அரங்கில் (ஒருநாள் மற்றும் T20 சேர்த்து) இந்தியா–நெதர்லாந்து அணிகள் 4 முறை மோதியுள்ளன; அனைத்திலும் இந்தியா வெற்றி பெற்றுள்ளது.
