டி20 உலகக் கிண்ணத் தொடரில் முதல்முறையாக பங்கேற்றுள்ள இத்தாலி அணி, தனது இரண்டாவது போட்டியிலேயே நேபாளத்தை 10 விக்கெட்டுகள் வித்தியாசத்தில் தோற்கடித்து வரலாற்றுச் சாதனையாக முதல் வெற்றியை பதிவு செய்துள்ளது.
மும்பையில் ‘சி’ குழுவுக்காக நேற்று (12) நடைபெற்ற போட்டியில் முதலில் துடுப்பெடுத்தாடிய நேபாள அணி 19.3 ஓவர்களில் 123 ஓட்டங்களுக்கு அனைத்து விக்கெட்டுகளையும் இழந்தது.
அணித் தலைவர் ராகுல் படேல் 14 பந்துகளில் 23 ஓட்டங்கள் எடுத்ததே அதிகபட்ச தனிநபர் பெறுபேறாக இருந்தது. பந்துவீச்சில் கிருஷான் களுகமகே சிறப்பாக விளையாடி 3 விக்கெட்டுகளை வீழ்த்தினார்.124 ஓட்டங்கள் என்ற எளிய வெற்றி இலக்கை நோக்கி பதிலடி தொடங்கிய இத்தாலி அணி, 12.4 ஓவர்களிலேயே விக்கெட் இழப்பின்றி இலக்கை எட்டியது.
ஜெஸ்டின் மொஸ்கா 44 பந்துகளில் 60 ஓட்டங்களையும், அன்தோனி மொஸ்கா 32 பந்துகளில் 62 ஓட்டங்களையும் ஆட்டமிழக்காமல் பெற்றனர். இவர்களின் தொடக்க இணைப்பு நேபாள அணிக்கு எந்த வாய்ப்பையும் வழங்காமல் முழுமையான ஆதிக்கத்தை வெளிப்படுத்தியது.இந்த வெற்றியின் மூலம் இத்தாலி அணி ‘சி’ குழுவில் முக்கிய முன்னிலை பெற்றுள்ளது.
