நோர்வூட் பொலிஸ் பிரிவிற்குட்பட்ட ஹட்டன் பொகவந்தலாவ பிரதான வீதியின் நோர்வூட் சென்ஜோன் டிலரி பகுதியில் 50அடி பள்ளத்தில் கவிழ்ந்து முச்சக்கரவண்டி ஒன்று விபத்துக்குள்ளாகியுள்ளதாக நோர்வூட் பொலிஸார் தெரிவித்தனர்.
இந்த சம்பவம் இன்று 19.09.2026 சனிக்கிழமை காலை 10.30 மணியளவில் இடம்பெற்றதாக பொலிஸார் மேலும் தெரிவித்தனர்.
பொகவந்தலாவ பகுதியில் இருந்து ஹட்டன் நோக்கி பயணித்த முச்சக்கரவண்டி வீதியை விட்டு 50அடி பள்ளத்தில் கவிழ்ந்து விபத்துக்குள்ளானதில் எவருக்கும் எவ்வித காயங்களும் ஏற்படவில்லை எனவும் குறித்த முச்சக்கரவண்டிக்கு பலத்த சேதம் ஏற்பட்டுள்ளதாக பொலிஸாரின் விசாரணைகளில் இருந்து தெரியவந்துள்ளது.
அதிக வேகம் காரணமாக வேகத்தினை கட்டுபடுத்த முடியாமல் விபத்து ஏற்பட்டதாக பொலிஸார் மேலும் தெரிவித்தனர்.
சம்பவம் தொடர்பில் மேலதிக விசாரணைகளை நோர்வூட் பொலிஸார் மேற்கொண்டு வருகின்றனர்.
