ஈரானில் பிரித்தானிய நபருக்கு மேலும் 2 ஆண்டுகள் சிறைத்தண்டனை நீடிப்பு!

ஈரானில் உளவு பார்த்ததாகக் குற்றம் சாட்டப்பட்டு 10 ஆண்டுகள் சிறைத்தண்டனை விதிக்கப்பட்டிருந்த கிரேக் ஃபோர்மேன் ( Craig Foreman ) என்ற பிரிட்டிஷ் பிரஜைக்கு, மேலும் 2 ஆண்டுகள் சிறைத்தண்டனை நீடிக்கப்பட்டுள்ளதாக அவரது குடும்பத்தினர் தெரிவித்துள்ளனர்.

கடந்த ஆண்டு ஜனவரி மாதம் ஐரோப்பாவிலிருந்து ஆஸ்திரேலியா நோக்கி மோட்டார் சைக்கிளில் பயணித்த கிரேக் ஃபோர்மேன் மற்றும் அவரது மனைவி லிண்ட்சே (Lindsay) ஆகியோர் ஈரான் எல்லையைக் கடக்கும்போது அதிகாரிகளால் கைது செய்யப்பட்டனர்.

அவர்களுக்கு எதிரான உளவு குற்றச்சாட்டுகளை இருவருமே திட்டவட்டமாக மறுத்து வந்த நிலையில், கடந்த பெப்ரவரி மாதம் இருவருக்கும் தலா 10 ஆண்டுகள் சிறைத்தண்டனை விதிக்கப்பட்டது.

தெஹ்ரானில் உள்ள பிரபல ‘எவின்’ (Evin) சிறைச்சாலையிலிருந்து ஊடகங்களுடன் பேசிய குற்றச்சாட்டின் பேரிலேயே கிரேக் ஃபோர்மேனுக்கு இந்த கூடுதல் தண்டனை விதிக்கப்பட்டுள்ளதாகத் தெரியவந்துள்ளது.