பாகிஸ்தான் வேகப்பந்து வீச்சாளர் நசீம் ஷாவுக்கு 20 மில்லியன் பாகிஸ்தான் ரூபாய் அபராதம் விதிக்கப்பட்டுள்ளது.பஞ்சாப் மாநில முதலமைச்சர் மரியம் நவாஸை விமர்சிக்கும் வகையில் நசீம் ஷாவின் உத்தியோகபூர்வ சமூக வலைதளப் பக்கத்தில் பதிவிடப்பட்ட கருத்தே இந்த அதிரடி நடவடிக்கைக்குக் காரணமாகும்.
மத்திய கிழக்கு ஆசியாவில் நிலவும் போர் பதற்றம் மற்றும் எரிபொருள் தட்டுப்பாடு காரணமாக, நடப்பு பி.எஸ்.எல் தொடர் ரசிகர்கள் இன்றி மூடிய மைதானத்தில் நடைபெறும் என பாகிஸ்தான் கிரிக்கெட் சபை அறிவித்திருந்தது.
இருப்பினும், தொடரின் ஆரம்பப் போட்டியில் முதலமைச்சர் மரியம் நவாஸ் உள்ளிட்ட முக்கிய பிரமுகர்கள் மைதானத்திற்கு வருகை தந்து வீரர்களைச் சந்தித்தனர்.
இதனை விமர்சிக்கும் வகையில், லோர்ட்ஸ் மைதானத்தில் மகாராணிக்கு அளிக்கப்படும் மரியாதையைப் போல இவருக்கு ஏன் அளிக்கப்படுகிறது? என நசீம் ஷாவின் கணக்கிலிருந்து ஒரு பதிவு இடப்பட்டது.
சற்று நேரத்திலேயே அந்தப் பதிவு நீக்கப்பட்டதுடன், தனது கணக்கு முடக்கப்பட்டதாக நசீம் ஷா விளக்கமளித்திருந்தார்.இது தொடர்பாக நடைபெற்ற விசாரணையில் நசீம் ஷா நிபந்தனையற்ற மன்னிப்பு கோரினார்.
இந்தநிலையில் சினேகபூர்வ ஒப்பந்தத்தின் சரத்துக்களை மீறியதாக நசீம் ஷாவுக்கு 2 கோடி ரூபாய் அபராதம் விதிக்கப்பட்டது.பாகிஸ்தான் கிரிக்கெட் வரலாற்றில் வீரர் ஒருவருக்கு விதிக்கப்பட்ட மிகப்பெரிய அபராதமாக இது கருதப்படுகிறது.
