யாழில் புகையிரதத்துடன் மோதிய உந்துருளி; சம்பவ இடத்திலேயே ஒருவர் உ**யிரிழப்பு.!

யாழ்ப்பாணம், அரியாலை புங்கன்குளம் பகுதியில் இடம்பெற்ற புகையிரத விபத்தில் தந்தையொருவர் உயிரிழந்துள்ளதுடன், அவரது மகள் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளார்.

குறித்த விபத்து புங்கன்குளம் புகையிரத நிலையத்திற்கு அருகிலுள்ள கடவையில் இடம்பெற்றுள்ளது.

பாடசாலை முடிவடைந்த பின்னர் தனது மகளை உந்துருளியில் ஏற்றிக்கொண்டு தந்தை வீடு நோக்கி பயணித்துள்ளார். இதன்போது புங்கன்குளம் புகையிரத கடவையை கடக்க முற்பட்டபோது, உந்துருளி புகையிரதத்துடன் மோதி விபத்துக்குள்ளாகியுள்ளது.

விபத்தில் தந்தை சம்பவ இடத்திலேயே உயிரிழந்துள்ள நிலையில், படுகாயமடைந்த அவரது மகள் யாழ்ப்பாணம் போதனா வைத்தியசாலையில் சேர்க்கப்பட்டுள்ளார்.

இச்சம்பவம் தொடர்பான மேலதிக விசாரணைகளை பொலிஸார் மேற்கொண்டு வருகின்றனர்.