நடப்பு இந்தியன் பிரீமியர் லீக் (IPL) சாம்பியன் ராயல் சேலஞ்சர்ஸ் பெங்களூரு (RCB) அணியை வரலாற்றில் மிகப் பெரிய பரிவர்த்தனையாக, 1.78 பில்லியன் அமெரிக்க டொலர் (₹16,660 கோடி) மதிப்பில் ஒரு வலுவான கூட்டமைப்பு வாங்கியுள்ளது.
இந்தக் கூட்டமைப்பில் ஆதித்யா பிர்லா குழுமம், அமெரிக்கா விளையாட்டு முதலீட்டாளர் டேவிட் பிளிட்சர், தனியார் பங்கு முதலீட்டு நிறுவனம் பிளாக்ஸ்டோன் மற்றும் டைம்ஸ் ஆஃப் இந்தியா ஆகியோர் இணைந்துள்ளனர்.
RCB அணியின் வணிக மதிப்பு மற்றும் போட்டி வெற்றி ஆகிய இரண்டிலும் நிலைத்திருப்பதால், இந்த ஒப்பந்தம் IPL வரலாற்றில் முக்கிய தருணமாகக் கருதப்படுகிறது.
இந்த கையகப்படுத்தலானது ஆடவர் மற்றும் மகளிர் இரு அணிகளையும் உள்ளடக்கியது. செவ்வாய்க்கிழமை (24) அறிவிக்கப்பட்ட இந்த ஒப்பந்தம்தற்போது இந்திய கிரிக்கெட் கட்டுப்பாட்டு வாரியம் (BCCI) மற்றும் இந்தியப் போட்டி ஆணையத்தின் முறையான ஒப்புதலுக்காக காத்திருக்கிறது.
கடந்த சீசனில் தங்களது முதல் IPL கிண்ணத்தை வென்ற RCB, உலகளாவிய முதலீட்டாளர்களிடமிருந்து குறிப்பிடத்தக்க கவனத்தை பெற்றது. மேலும், இவ்வாண்டில் அவர்கள் தங்களது மகளிர் பிரீமியர் லீக் பட்டத்தை இரண்டாவது முறையாக வென்றதும் குறிப்பிடத்தக்கது.
