வழக்கமான அணித் தலைவர் பேட் கம்மின்ஸ் கீழ் முதுகில் ஏற்பட்ட அழுத்தக் காயம் காரணமாக விளையாடாமல் ஓய்வில் இருக்கிறார். இதனால் 2026 இந்தியன் பிரீமியர் லீக் (IPL) தொடரில் சன்ரைசர்ஸ் ஹைதராபாத் அணியை இடைக்காலத் தலைவராக இஷான் கிஷன் வழிநடத்தவுள்ளார்.
அதே நேரம், துணைத் தலைவராக அபிஷேக் ஷர்மா நியமிக்கப்பட்டுள்ளார். கம்மின்ஸ் குணமடையும் வரை இஷான் கிஷன் தலைவராகவும், அபிஷேக் ஷர்மா துணைத் தலைவராகவும் செயல்படுவார்கள் என்று அணி நிர்வாகம் தெரிவித்துள்ளது.
இஷான் கிஷன் அணியில் சிறப்பாக விளையாடியவர்.
அவர் டி20 உலகக் கிண்ணத்தில் இந்திய அணி வெற்றியில் முக்கிய பங்கு வகித்துள்ளார். ஒன்பது போட்டிகளில் 317 ஓட்டங்கள், 199.37 ஸ்டிரைக் ரேட், 80.25 சராசரி மற்றும் மூன்று அரை சதங்களை அடித்துள்ளார்.இதுவரை அவர் ஜார்கண்ட் கிரிக்கெட் அணியை சையத் முஷ்டாக் அலி கிண்ணத்தில் முன்னிலையில் வெற்றியடையச் செய்த அனுபவமும் உள்ளதாக குறிப்பிடத்தக்கது
