எதிர்வரும் 2027 ஒருநாள் உலகக் கோப்பை – இந்தியா வெல்வதே இலக்கு: ஷுப்மன் கில் தெரிவிப்பு.!
இந்திய கிரிக்கெட் அணியின் கேப்டன் ஷுப்மன் கில் எதிர்வரும் 2027 ஒருநாள் உலகக் கோப்பையை வெல்வதே இந்தியாவின் பிரதான இலக்கு என தெரிவித்துள்ளார். தற்போது இந்திய அணியை ஒருநாள் மற்றும் டெஸ்ட் கிரிக்கெட்டில் அவர் வழிநடத்தி வருகிறார்.
“தேசத்துக்காக உலகக் கோப்பை வெல்வதே பிரதான இலக்கு. கடந்த முறை இறுதிப்போட்டிக்குச் சென்றோம்; அடுத்த முறை நிச்சயமாக அதனை தகர்த்து வெல்வோம். தென் ஆப்பிரிக்காவில் நடைபெறும் அடுத்த உலகக் கோப்பை தொடரில் சிறந்த வாய்ப்பு உள்ளது” என ஷுப்மன் கில் கூறியுள்ளார்.
2027 உலகக் கோப்பை தொடர் தென் ஆப்பிரிக்கா, ஜிம்பாப்வே மற்றும் நமீபியாவில் நடைபெறும் என எதிர்பார்க்கப்படுகிறது. இது அக்டோபர் முதல் நவம்பர் வரை நடைபெறும். கடந்த 2023 உலகக் கோப்பை தொடரில் இந்தியா இறுதிப் போட்டியில் தோல்வியடைந்தது குறிப்பிடத்தக்கது.
அதை தொடர்ந்து, 2024 மற்றும் 2026-ல் இந்தியா டி20 உலகக் கோப்பை வென்றது, 2025 ஐசிசி சாம்பியன்ஸ் டிராபியிலும் இந்தியா சாம்பியன் ஆனது.இதனால், ஷுப்மன் கில் தலைமையிலான இந்திய அணி 2027 உலகக் கோப்பையை வென்றால், ஒரே நேரத்தில் டி20 உலகக் கோப்பை, சாம்பியன்ஸ் டிராபி மற்றும் உலகக் கோப்பை என மூன்று ஐசிசி கோப்பைகளை தன்வசம் வைத்திருக்கும் அணியாக புதிய சாதனை படைத்திருப்பார்.
