சர்வதேச வான்வெளியில் விதிக்கப்பட்ட கட்டுப்பாடுகள் காரணமாக இந்தியாவில் சிக்கித் தவித்த மேற்கிந்தியத் தீவுகள் அணி வீரர்கள், நாடு திரும்புவதற்காக சிறப்பு விமானம் ஒன்று ஏற்பாடு செய்யப்பட்டுள்ளது.
ஈரான் மீது அமெரிக்கா மற்றும் இஸ்ரேல் நடத்திய தாக்குதல்களைத் தொடர்ந்து, சில பிராந்தியங்களின் வான்வெளி பயன்பாட்டில் கட்டுப்பாடுகள் விதிக்கப்பட்டுள்ளன. இதன் விளைவாக, மேற்கிந்தியத் தீவுகள் அணி நான்கு நாட்களுக்கும் மேலாக இந்தியாவில் தங்கியிருந்தது.
நாடு திரும்ப முடியாத நிலை குறித்து அணியின் பயிற்சியாளர் டேரன் சமி சமூக வலைத்தளங்களில் தனது ஏமாற்றத்தை வெளிப்படுத்தியிருந்தார். அதனைத் தொடர்ந்து இந்த சிறப்பு ஏற்பாடு செய்யப்பட்டதாகத் தெரிவிக்கப்பட்டுள்ளது.
கொல்கத்தாவில் நடைபெற்றசூப்பர் எட்டு போட்டியில் இந்திய அணியிடம் தோல்வியடைந்ததையடுத்து, மேற்கிந்தியத் தீவுகள் அணி தொடரிலிருந்து வெளியேறியது. அதன் பின்னர் ஏற்பட்ட வான்வெளி சிக்கல்களால் அவர்களின் பயணத் திட்டம் தாமதமானது குறிப்பிடத்தக்கது.
