ரஞ்சி கோப்பை கிரிக்கெட் இறுதிப் போட்டியில் கர்நாடக அணியும் ஜம்மு & காஷ்மீர் அணியும் கர்நாடக மாநிலம் ஹூப்ளியில் மோதுகின்றன. டாஸ் வென்று முதலில் துடுப்பாடிய ஜம்மு & காஷ்மீர் அணி முதல் நாள் ஆட்ட முடிவில் 87 ஓவர்களில் 2 விக்கெட்டுகள் இழப்பிற்கு 284 ஓட்டங்கள் எடுத்திருந்தது.
தொடர்ந்து நடைபெற்ற இரண்டாம் நாள் ஆட்டத்தில் அந்த அணி 173.1 ஓவர்களில் 584 ஓட்டங்கள் குவித்து அனைத்து விக்கெட்டுகளையும் இழந்தது. அணியின் சார்பில் ஷுபம் பண்டிர் 121 ஓட்டங்களும், அப்துல் சமத் 61 ஓட்டங்களும் பெற்றனர். கர்நாடகா அணி சார்பில் பிரசித் கிருஷ்ணா 5 விக்கெட்டுகள் வீழ்த்தினார்.
பின்னர் பதிலடி துடுப்பாட்டத்தில் ஈடுபட்ட கர்நாடகா அணி இரண்டாம் நாள் முடிவில் 69 ஓவர்களில் 5 விக்கெட்டுகள் இழப்பிற்கு 220 ஓட்டங்கள் எடுத்துள்ளது. மயங்க் அகர்வால் 130 ஓட்டங்களுடன் களத்தில் உள்ளார்.இதேவேளை, ஆஸ்திரேலியாவில் சுற்றுப்பயணம் செய்து வரும் இந்திய மகளிர் கிரிக்கெட் அணி, மூன்று போட்டிகள் கொண்ட ஒருநாள் தொடரில் முதல் ஆட்டத்தில் தோல்வியடைந்த நிலையில் இன்று இரண்டாவது ஒருநாள் போட்டியில் களமிறங்குகிறது.
இந்தப் போட்டி ஹோபர்ட்டில் காலை நடைபெறுகிறது. மேலும், செக் குடியரசின் பிராக் நகரில் நடைபெறும் சர்வதேச செஸ் போட்டியில் உலக சாம்பியன் குகேஷ், அமெரிக்க வீரர் ஹான்ஸ் மோக் நீமனுடன் மோதிய ஆட்டம் 62 நகர்வுகளுக்குப் பிறகு சமநிலையுடன் முடிந்தது. நடப்பு சாம்பியன் அர்விந்த் சிதம்பரம் தனது முதல் சுற்றில் தோல்வி அடைந்துள்ளார்.
