2026 ஆம் ஆண்டின் ஐசிசி ஆடவர் டி20 உலகக் கிண்ணத் தொடரின் சூப்பர் 8 சுற்றின் 45ஆவது லீக் போட்டியில் பாகிஸ்தான் அணியை 2 விக்கெட்டுகள் வித்தியாசத்தில் வீழ்த்தி இங்கிலாந்து அணி அபார வெற்றியைப் பெற்றுள்ளது.கண்டி, பல்லேகல சர்வதேச மைதானத்தில் நடைபெற்ற இப்போட்டியில், நாணய சுழற்சியில் வென்ற பாகிஸ்தான் அணித்தலைவர் சல்மான் ஆகா முதலில் துடுப்பெடுத்தாடத் தீர்மானித்தார்.
முதலில் துடுப்பெடுத்தாடிய பாகிஸ்தான் அணி, 20 ஓவர்கள் நிறைவில் 9 விக்கெட்டுகளை இழந்து 164 ஓட்டங்களைப் பெற்றது. அணியின் ஆரம்ப வீரர் சாஹிப்சாதா ஃபர்ஹான் சிறப்பாக விளையாடி அதிகபட்சமாக 63 ஓட்டங்களை எடுத்தார்.165 ஓட்டங்கள் என்ற வெற்றி இலக்கை நோக்கி பதிலளித்த இங்கிலாந்து அணிக்கு பாகிஸ்தான் பந்துவீச்சாளர் ஷாஹீன் ஷா அஃப்ரிடி கடும் சவாலை ஏற்படுத்தினார்.
அவரது அபார பந்துவீச்சில் 4 விக்கெட்டுகள் வீழ்ந்ததால் இங்கிலாந்து அணி ஆரம்பத்தில் தடுமாறியது.எனினும், நட்சத்திர வீரர் ஹாரி புரூக் அதிரடியாக விளையாடி சதம் அடித்து அணியை வெற்றிப் பாதைக்கு அழைத்துச் சென்றார்.
இங்கிலாந்து அணி 19.1 ஓவர்கள் நிறைவில் 8 விக்கெட்டுகளை இழந்து 165 ஓட்டங்களை எட்டி வெற்றியை உறுதி செய்தது. இதன் மூலம் சூப்பர் 8 சுற்றில் இங்கிலாந்து அணி தனது அரையிறுதி வாய்ப்பை மேலும் பலப்படுத்தியுள்ளது.
