உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

அமெரிக்காவில் கடிகார நேரத்தை மாற்றும் நடைமுறைக்கு முடிவு!

உலக செய்திகள் 4 மாதங்கள் முன்
147 பார்வைகள்

அமெரிக்காவில் 1960ஆம் ஆண்டு முதல் நடைமுறையிலுள்ள, வருடத்தில் இருமுறை கடிகார நேரத்தை மாற்றியமைக்கும் வழக்கத்தை முடிவுக்குக் கொண்டு வந்து, பகல்நேர சேமிப்பு நேரத்தை (Daylight Saving Time) ஆண்டு முழுவதும் நிரந்தரமாக்குவதற்கான சட்டமூலம் பிரதிநிதிகள் சபையில் பெருவாரியான வாக்குகளால் நிறைவேற்றப்பட்டுள்ளது.

செவ்வாய்க்கிழமை நடைபெற்ற வாக்கெடுப்பில் இந்த சட்டமூலத்துக்கு ஆதரவாக 308 வாக்குகளும், எதிராக 117 வாக்குகளும் கிடைத்தன.

பிரதிநிதிகள் சபையில் நிறைவேற்றப்பட்டுள்ள இந்த சட்டமூலம் அடுத்த கட்டமாக செனட் சபையின் ஒப்புதலுக்காக அனுப்பி வைக்கப்பட்டுள்ளது.

இந்த சட்டம் நடைமுறைக்கு வரும் பட்சத்தில், ஒவ்வொரு ஆண்டும் நவம்பர் மாதத்தில் கடிகார நேரத்தை மீண்டும் சாதாரண நிலைக்கு (Standard Time) மாற்றும் வழக்கம் இல்லாது போகும்.

எனினும், மாநிலங்கள் விரும்பினால் இந்த முழு ஆண்டு பகல்நேர சேமிப்பு நேர நடைமுறையிலிருந்து விலகிக்கொள்ள அனுமதி வழங்கப்பட்டுள்ளது.

வருடத்திற்கு இருமுறை நேரத்தை மாற்றுவது மக்களின் தூக்க சுழற்சியைப் பாதிப்பதுடன், பணியிட மற்றும் சாலை விபத்துகள் அதிகரிப்பதற்கும் வழிவகுப்பதாக இந்த சட்டமூலத்தின் ஆதரவாளர்கள் தெரிவிக்கின்றனர்.

மேலும், குளிர்கால மாதங்களில் மாலையில் கூடுதல் பகல் வெளிச்சம் கிடைப்பது வர்த்தக நடவடிக்கைகளை ஊக்குவித்து, பொருளாதாரத்துக்குப் பக்கபலமாக அமையும் என்றும் அவர்கள் சுட்டிக்காட்டுகின்றனர். ஜனாதிபதி டொனால்ட் ட்ரம்பும் இந்த மாற்றத்திற்குத் தனது பலத்த ஆதரவை வெளிப்படுத்தியுள்ளார்.

அதேவேளை, குடியரசுக் கட்சி செனட்டர் டொம் காட்டன் உள்ளிட்ட விமர்சகர்கள் இதற்கு எதிர்ப்புத் தெரிவித்துள்ளனர்.

இந்த மாற்றத்தினால் குளிர்கால காலப் பகுதிகளில் சூரிய உதயம் ஒரு மணித்தியாலம் தாமதமாகும் என்றும், இதனால் நாட்டின் பல பகுதிகளில் உள்ள சிறுவர்கள் அதிகாலை இருட்டிலேயே பாடசாலைகளுக்குச் செல்ல வேண்டிய கட்டாயம் ஏற்படும் என்றும் அவர்கள் கவலை வெளியிட்டுள்ளனர்.

முன்னதாக, கடந்த 1974ஆம் ஆண்டும் எரிசக்தி நுகர்வைக் குறைப்பதற்காக அமெரிக்காவில் இந்த நடைமுறை கொண்டு வரப்பட்ட போதிலும், பொதுமக்கள் மத்தியில் ஏற்பட்ட பலத்த அதிருப்தி காரணமாக அதே ஆண்டில் அது ரத்து செய்யப்பட்டது.

தற்போது அமெரிக்காவின் ஹவாய் மற்றும் அரிசோனா மாநிலங்கள் இந்த பகல்நேர சேமிப்பு நேர நடைமுறையைப் பின்பற்றுவதில்லை என்பதுடன், புதிய சட்டமூலம் இறுதியாகச் சட்டமாக்கப்படுவதற்கு முன்னர் செனட் சபையின் ஒப்புதலைப் பெற வேண்டியுள்ளது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

உலக செய்திகள்

சவூதி மீது ஹவுதி கிளர்ச்சியாளர்கள் ஏவுகணைத் தாக்குதல்!

ஏமனில் அரசுப்படையினருக்கும், ஹவுதி கிளர்ச்சியாளர்களுக்கும் இடையே பல ஆண்டுகளாக மோதல் நிலவி வருகிறது. இந்த உள்நாட்டுப்போரில் அரசுப்படையினருக்கு சவுதி அரேபியாவும், ஹவுதி கிளர்ச்சியாளர்களுக்கு ஈரானும் ஆதரவு அளித்து…

140 0 0
உலக செய்திகள்

ரோஹிங்கியா மக்களுக்கு நடந்தது இன அழிப்பு: சர்வதேச நீதிமன்றம் தீர்ப்பு!

முஸ்லிம் சிறுபான்மையினரான ரோஹிங்கியா மக்களின் பெரும் பகுதியை அழிக்கும் நோக்கில், 2017ஆம் ஆண்டு மியன்மார் இராணுவம் முன்னெடுத்த நடவடிக்கைகளில் சுமார் 10,000 ரோஹிங்கியாக்கள் கொல்லப்பட்டதற்கான ஆதாரங்கள் உள்ளதாக…

145 0 0
உலக செய்திகள்

உக்ரைனுக்கு 1,000 நீண்ட தூரத் தாக்குதல் ட்ரோன்களை வழங்க பிரித்தானியா தீர்மானம்

ரஷ்யாவின் முன்னரங்கப் பகுதிகளுக்கு அப்பால் உள்ள இலக்குகள் மீது தாக்குதல் நடத்துவதற்காக, உக்ரைனுக்கு 1,000 நீண்ட தூரத் தாக்குதல் ட்ரோன் வானுர்திகளை வழங்க பிரித்தானியா தீர்மானித்துள்ளது. உக்ரைனுக்கு…

145 0 0
உலக செய்திகள்

வரலாற்றுச் சிறப்புமிக்க முத்தரப்புச் சந்திப்பு: ட்ரம்ப், புடின், மற்றும் சீ ஜின்பிங் பங்கேற்பு

ஆசிய-பசிபிக் பொருளாதார ஒத்துழைப்பு (APEC) உச்சிமாநாட்டிற்கு இடையே, சீனாவின் ஷென்சென் நகரில் அமெரிக்க ஜனாதிபதி டொனால்ட் ட்ரம்ப், ரஷ்ய ஜனாதிபதி விளாடிமிர் புடின் மற்றும் சீன ஜனாதிபதி…

144 0 0