மும்பை இந்தியன்ஸ் அணி, கொல்கத்தா நைட் ரைடர்ஸ் அணிக்கு எதிரான போட்டியில் 220 ஓட்டங்களைக் குறிக்கோளாக கொண்டு விளையாடி, 6 விக்கெட்டுகள் வித்தியாசத்தில் அபார வெற்றி பெற்றது.
இந்திய பிரீமியர் லீக் தொடரின் இந்தப் போட்டி மும்பை வான்கடே அரங்கில் நடைபெற்றது. முதலில் துடுப்பெடுத்தாடிய கொல்கத்தா அணி 20 ஓவர்களில் 4 விக்கெட்டுகளை இழந்து 220 ஓட்டங்களைப் பெற்றது. இதில் அஜிங்கியா ரஹானே 67 ஓட்டங்களும், அக்ரிஷ் ரகுவன்சி 51 ஓட்டங்களும் பெற்றனர்.
பதிலுக்கு துடுப்பெடுத்தாடிய மும்பை அணியில் ரோஹித் ஷர்மா (78) மற்றும் ரியான் ரக்கில்டன் (81) இணைந்து முதல் விக்கெட்டுக்கு 148 ஓட்டங்கள் சேர்த்தனர். இந்த இணைப்பாட்டம் அணியின் வெற்றியை எளிதாக்கியது.
இதன் மூலம் மும்பை அணி 19.1 ஓவர்களில் 4 விக்கெட்டுகளை மட்டும் இழந்து 224 ஓட்டங்களை எட்டி வெற்றி பெற்றது.
இந்த வெற்றி, மும்பை அணியின் ஐபிஎல் வரலாற்றிலேயே அதிகபட்ச இலக்கை துரத்திய சாதனையாகவும் பதிவு செய்யப்பட்டுள்ளது. 2012ஆம் ஆண்டுக்கு பின்னர் தனது ஆரம்பப் போட்டியில் மும்பை அணி வெற்றி பெறுவது இதுவே முதல் முறையாகும்.
