டி20 கிரிக்கெட்டில் ராயல் சேலஞ்சர்ஸ் பெங்களூரு அணியின் முன்னணி வீரரான விராட் கோலி, விரைவில் 14 ஆயிரம் ரன்களை எட்டுவார் என்ற எதிர்பார்ப்பு அதிகரித்துள்ளது.கடந்த 18 ஆண்டுகளாக ஐபிஎல் தொடரில் அதே அணிக்காக விளையாடி வரும் அவர், இதுவரை 267 போட்டிகளில் 8,661 ரன்கள் எடுத்துள்ளார். மேலும் 339 ரன்கள் எடுத்தால், ஐபிஎல் வரலாற்றில் 9,000 ரன்களை கடந்த முதல் வீரராக மாறவுள்ளார்.
அத்துடன், ஐபிஎல் மற்றும் சாம்பியன்ஸ் லீக் டி20 போட்டிகள் சேர்த்து 282 போட்டிகளில் 9,085 ரன்கள் எடுத்துள்ள கோலி, ஒரே அணிக்காக 10,000 ரன்கள் எடுக்கும் சாதனையையும் எதிர்காலத்தில் படைக்கலாம் எனக் கணிக்கப்படுகிறது.
மொத்தமாக டி20 போட்டிகளில் 414 ஆட்டங்களில் விளையாடி 13,543 ரன்கள் எடுத்துள்ள அவர், அடுத்த சீசனில் 14,000 ரன்களை கடந்தால், அந்த சாதனையை எட்டும் முதல் இந்திய வீரர் என்ற பெருமையையும் பெறுவார்.
டி20 வரலாற்றில் அதிக ரன்கள் எடுத்தவர்களின் பட்டியலில் கிறிஸ் கெயில், கைரன் பொல்லார்ட், அலெக்ஸ் ஹேல்ஸ் மற்றும் டேவிட் வார்னர் ஆகியோர் முன்னிலையில் உள்ளனர் என்பதும் குறிப்பிடத்தக்கது.
