மத்திய கிழக்கில் நிலவும் போர்ச் சூழ்நிலையை முன்னிட்டு அடுத்த மாதம் நடைபெறவிருந்த பஹ்ரைன் மற்றும் சவுதி அரேபிய கார் பந்தயங்கள் ரத்து செய்யப்பட்டுள்ளன.அசாதாரண பாதுகாப்பு சூழலை கருத்தில் கொண்டு ஏப்ரல் 12 மற்றும் 19 ஆகிய திகதிகளில் நடைபெறவிருந்த இந்த இரு பந்தயங்களும் ரத்து செய்யப்படுவதாக சர்வதேச கார் பந்தய கூட்டமைப்பு அறிவித்துள்ளது.
எமது சமூகம் மற்றும் சக ஊழியர்களின் பாதுகாப்பும் நலனும் எப்போதும் முதன்மை என கூட்டமைப்பின் தலைவர் முகமது பின் சுலாயம் தெரிவித்துள்ளார்.இந்த முடிவின் காரணமாக மார்ச் 29 அன்று ஜப்பானில் நடைபெறும் மூன்றாவது சுற்றுக்கும் மே 3 அன்று மியாமியில் நடைபெறும் போட்டிக்கும் இடையில் ஐந்து வார இடைவெளி உருவாகியுள்ளது.
இதனால் இவ்வாண்டுக்காக திட்டமிடப்பட்டிருந்த 24 போட்டிகளில் இரண்டை ரத்து செய்ய வேண்டிய நிலையில் மொத்தப் போட்டிகளின் எண்ணிக்கை 22 ஆகக் குறையக்கூடும் என தெரிவிக்கப்படுகிறது.
அதேவேளை, ஆண்டின் பின்னர் காலப்பகுதியில் இந்த போட்டிகளை மீண்டும் நடத்துவது குறித்து ஆலோசனை நடைபெறும் எனவும் அறிவிக்கப்பட்டுள்ளது.மேலும், அதே காலப்பகுதியில் நடைபெறவிருந்த பார்முலா 2, பார்முலா 3 மற்றும் எப்-1 அகாடமி போட்டிகளும் ரத்து செய்யப்பட்டுள்ளன.
இதற்கிடையில் கத்தாரில் நவம்பர் 29 அன்று நடைபெறவுள்ள போட்டியும் அபுதாபியில் டிசம்பர் 6 அன்று நடைபெறவுள்ள போட்டியும் திட்டமிட்டபடி நடைபெறும் என அதிகாரிகள் நம்பிக்கை வெளியிட்டுள்ளனர்.
