டி20 உலகக் கிண்ணம் கிரிக்கெட் தொடரின் சூப்பர் 8 சுற்றில், நடப்பு சாம்பியனான இந்தியா தேசிய கிரிக்கெட் அணி தனது 2ஆவது போட்டியில் சிம்பாப்வே தேசிய கிரிக்கெட் அணியை இன்று எதிர்கொள்கிறது. அரையிறுதிப் போட்டிக்கான வாய்ப்பை தக்கவைத்துக்கொள்ள, இந்தியா இப்போட்டியில் வெற்றி பெறுவது அவசியம். அதுவும், மிகப்பெரிய வெற்றியைப் பதிவு செய்வது முக்கியமாகக் கருதப்படுகிறது.
சூப்பர் 8 சுற்றின் முதல் போட்டியில் தென்னாப்பிரிக்கா தேசிய கிரிக்கெட் அணியிடம் சந்தித்த தோல்வியே இந்தியாவை நெருக்கடிக்குள் தள்ளியுள்ளது. எனவே துடுப்பாட்டம், களத்தடுப்பு என எந்தத் துறையிலும் நிகழும் சிறிய தவறும் அரையிறுதி வாய்ப்பை பாதிக்கும் சூழல் நிலவுகிறது.அணியின் துடுப்பாட்டமே தற்போது பிரதான விவாதப் பொருளாக உள்ளது. தொடக்க வீரரான அபிஷேக் சர்மா அண்மையில் தடுமாறி வருகிறார்.
அவருடன் இணையும் இஷான் கிஷன்யும் உறுதியான இணைப்பை அமைக்க முடியாமல் தவிக்கிறார்.
இதனால் திலக் வர்மா மீது கூடுதல் பொறுப்பு ஏற்பட்டுள்ளது. இவர்களில் ஒருவருக்கு பதிலாக சஞ்சு சாம்சன்யை சேர்ப்பது குறித்தும் ஆலோசனைகள் நிலவுகின்றன.மூன்றாவது இடத்தில் அணித்தலைவர் சூர்யகுமார் யாதவ்யை களமிறக்கி, பின்னர் திலக் வர்மாவை அனுப்பும் யோசனையும் முன்வைக்கப்பட்டுள்ளது.
நடுப்பகுதியில் ஷிவம் துபே, ஹார்திக் பாண்டியா, ரிங்கு சிங் ஆகியோர் பொறுப்புடன் செயல்பட வேண்டியுள்ளது.பந்துவீச்சில் ஜஸ்பிரீத் பும்ரா முக்கிய பலமாக உள்ளார். அவருக்கு துணையாக வருண் சக்கரவார்த்தி, அர்ஷ்தீப் சிங் ஆகியோர் உள்ளனர். அக்சர் படேல்யும் அணியில் இடம்பெறலாம்.
எதிர்பாராத வகையில் முன்னேறி வரும் சிம்பாப்வே அணி சவாலை எவ்வாறு முன்வைக்கும் என்பது கணிக்க முடியாததாக உள்ளது. அந்த அணியில் பிரயன் பென்னெட், சிகந்தர் ராசா (அணித்தலைவர்), ரயன் பர்ல் ஆகியோர் துடுப்பாட்டத்தில் பலம் சேர்க்கின்றனர். பந்துவீச்சில் பிளெஸ்ஸிங் முசாரபானி முக்கிய அச்சுறுத்தலாக உள்ளார்.
உத்தேச அணிகள்
இந்தியா: அபிஷேக் சர்மா, இஷான் கிஷன் (விக்கெட் காப்பாளர்), திலக் வர்மா, சூர்யகுமார் யாதவ் (அணித்தலைவர்), ஷிவம் துபே, ஹார்திக் பாண்டியா, ரிங்கு சிங், அக்சர் படேல், அர்ஷ்தீப் சிங், ஜஸ்பிரீத் பும்ரா, வருண் சக்கரவார்த்தி.
சிம்பாப்வே: பிரயன் பென்னெட், டடிவனாஷி மருமானி (விக்கெட் காப்பாளர்), ரயன் பர்ல், சிகந்தர் ராசா (அணித்தலைவர்), டியன் மையர்ஸ், டோனி முன்யோங்கா, டஷிங்கா முசெகிவா, வெலிங்டன் மசகட்சா, பிராட் இவான்ஸ், ரிச்சர்ட் கராவா, பிளெஸ்ஸிங் முசாரபானி.
